30.10.2019 / 09:55

Храпавіцкі: Сучасныя левыя хварэюць на максімалізм 6

Падчас паседжання Рады ПЭН-Цэнтра, якая выключыла Севярынца.

«Севярынца такі выключылі. Напярэдадні «Ночы расстраляных паэтаў». Няўжо нельга было рашэньне гэтага пытаньня перанесьці на нейкі іншы час? — пытаецца паэт Андрусь Храпавіцкі, які сам паслядоўна крытыкаваў Севярынца з левых, атэістычных пазіцый. — Сучасныя левыя часта хварэюць на максімалізм. Калі ты зрабіў нейкае неасьцярожнае выказваньне (альбо нават не падтрымаў адзін нейкі пункцік з 10), то ты ледзьве не фашыст. А мо нават і ня ледзьве. Крок управа — расстрэл.

Левыя выступаюць за абарону меншасьцяў. З гэтым усё было б добра, калі б яны не забываліся на меншасьці ўнутры меншасьцяў. Напрыклад, правы ЛГБТ мы голасна адстойваем супраць хрысьціянскіх фундаменталістаў, але маўчым пра прыцясьненьне правоў геяў у мусульманскіх супольнасьцях. Многія левыя ў Заходняй Эўропе сталі праваднікамі ісламізму ў Эўропе, цалкам забыўшыся на правы жанчын, геяў і апостатаў унутры мусульманскай супольнасьці.

Будзе дарэчна прыгадаць, як Southern Poverty Law Center (вядомая амэрыканская праваабароная арганізацыя зь левым ухілам) занесла Маджыда Наваза, вядомага ісламскага рэфарматара, які выступае за больш лібэральнае, непалітычнае трактаваньне іслама) у сьпіс анты-мусульманскіх экстрэмістаў. Гэта, людзі, проста трындзец. Чалавека, які змагаецца за дэрадыкалізацыю ісламскіх супольнасьцяў, залічылі у сьпіс экстрэмістаў! Потым той адстойваў свае правы ў судзе і перамог. Сума кампэнсацыі склала 3,4 мільёна даляраў.

Вось гэтая няздатнасьць абараняць меншасьці ўнутры меншасьцяў часам прыводзіць да ігнараваньня праблемаў жанчын, атэістаў, апостатаў, габрэяў, хрысьціян.

Няясна, што рабіць людзям, якія да той ці іншай меншасьці ці рэпрэсаванай групы не належаць? Хочаш, каб цябе шанавалі, залічы сябе да нейкай групы з немэйнстрымавай ідэнтычнасьцю. Тады ты знойдзеш і абарону, і падтрымку. Левыя часта няздатныя ўбачыць у табе проста чалавека, індывіда. Ты абавязкова мусіш быць часткай нейкай групы ідэнтычнасьці.

Прыход да ўлады Трампа, пад’ём новых правых у Эўропе — гэта сымптом хваробы сучасных левых. Многія, вельмі многія выбарцы бачаць радыкалізацыю і максімалізм левых, ігнараваньне праблем і страхаў групаў, якіх левыя не заўважаюць альбо залічваюць у «клясавыя ворагі».

Нават не хачу кранаць тэмы «deplatforming», цэнзуры на кампусах, догмаў левых рухаў, Брэкзіту, антысэмітызму і г.д.

Пакуль што я казаў пра эўрапейска-амэрыканскі кантэкст левага руху. Пра беларускіх левых скажу хіба тое, што яны, імхо, вельмі і вельмі разьяднаныя. Ёсьць праэўрапейскія сілы. Але іх мала і яны слабыя. Тады ёсьць іншыя левыя. Якія за рэжым. З правымі такога разнабою няма.

Што ж тычыцца акадэмічнай супольнасьці і дзеячоў культуры, на Захадзе ўжо даўно — гэта пераважна людзі зь левымі поглядамі. У Беларусі паступова да гэтага ідзе таксама. Таму, магчыма, «хрысьціянскі наступ» на Пэн-Цэнтр і не атрымаўся», — піша Храпавіцкі.

NN.by

5
Нават / Адказаць
30.10.2019 / 10:27
Ну і аб чым гэта "словоблудие"???
5
Рэха / Адказаць
30.10.2019 / 12:23
Нават, гэта натуралафобія.
12
Мордехай В. / Адказаць
30.10.2019 / 13:36
Не iснуе анiякiх левых цi правых. Гэтакжа як не iснуе левапаўшарнага ды правапаўшарнага мыслення. Але ж адукаванцам трэба на нешта арыентавацца, вось i вярзуць лухту. Той, хто лiчыць, што ў свеце ёсць левыя ды правыя - няхай замест "левага" iнтэрнэту карыстаецца "праваю" бяростаю. Ну, гэта, людзi, проста трындзец. На самой справе....

Ёсць рэакцыянеры. Яны абсалютна беспалезныя для прагрэсу нашага бiялагiчнага вiда ды нашай цывiлiзацыi. У iх няма нiчога, акрамя жадання загнаць увесь свет разам у магiлу. З таго iх няспытанная апеляцыя ды былых часоў. А зараз усё дрэнна, а будучыня наогул магчымая толькi ў раю. Гэты анты-прыродны культ касцей, культ праху. Яны супраць прагрэсу чалавецтва. Таму ня вераць у навуку, факты, лiчбы, толькi ў cвае нежныя пачуццi.
Пуцiн, брэксiт, Трамп, ISIS, Бока Харам ды тутэшыя хрысцiянскiя кансерватары анiяк у гэтым не адрознiваюцца. Нi на крок.

Ёсць радыкалы. Яны часам прыдуркаватыя, i таксама, як i рэакцыянеры,  вельмi любяць граць у ахвяру. Бо таксама рухаюцца пачуццямi, як жывёлы. Але ж, у iх ёсць энергiя! Гэта фiзiка, бо яны з большага маладыя, таму як свабодныя радыкалы (тафталогiя, але) хаацiчаскi рухаюцца навокал, ствараюць там нейкiя групоўкi, змагаюцца з аўтарытэтамi. Пакуль не знойдуць, нарэшце, справу для сваiх талентаў. Ну, а хто не знойдзе, ператвараецца ў Бернi Сандэрса. Таму я лiчу, што грамадству ад iх няма блага, хiба рэакцыянерам. Але ж гэта бiялогiя, канкурэнцыя ўнутры вiда.

I ёсць апартунiсты. Тыя, хто жыве. Усе астатнiя. Хто стварае нашу цывiлiзацыю, хто тупа рубiць бабло, i хто спiваеццца пад плотам. Iм напляваць на вашыя "традыцыйныя каштоўнасцi" ды "бога", як i на святкаваннi ў гонар нейкiх iсламскiх асветнiкаў ды Грэты Турнберг, бо гэта вашыя выдуманныя канструкты. Гэта вашая ўласная спроба змагацца з кагнiтыўным дысансам рэчаiснасцi, у якой вы не можаце знайсцi актуалiзацыю. Гэта вашая шызафрэнiя!

Гэта вы - хворыя, але ўпэўнiваеце нас тым, што хворае - грамадства.  Грамадства нашае нармальна жыве 6000 гадоў ад Ура Халдзейскага. I квiтнее. I менавiта таму вы iснуеце, што нашае грамадства настолькi прасунутае, што дае магчымасць непрактычным людзям няблага iснаваць да старасцi.

Вашая шыза нас не тычыцца. Мы лепей дадзiм грошай тым, хто больш актыўны, у каго больш энэргii. Каб не мяшалiся пад нагамi, а ўцягвалiся ў эканомiку. А самi будзем жыць далей i займацца рэальнымi справамi.





Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру