Румас пра падрыхтоўку інтэграцыйных дакументаў: Зблізіць пазіцыі не так проста
Урады і міністэрствы Беларусі і Расіі працуюць над інтэграцыйнымі дакументамі, каб за лістапад прадставіць вынікі працы кіраўнікам дзяржаў, аднак зблізіць пазіцыі не так проста. Пра гэта заявіў прэм'ер-міністр Беларусі Сяргей Румас сёння на сустрэчы са старшынёй Падліковай палаты РФ Аляксеем Кудрыным, перадае БелТА.
«Праца няпростая, бо за гэты час, на жаль, эканомікі краін развіваліся па розных трэках, і сёння неяк зблізіць пазіцыі, аказваецца, не так проста. Ёсць адчувальныя пытанні для беларускага боку, якія мы хочам у першую чаргу вырашыць на гэтым інтэграцыйным трэку. Ёсць пытанні, якія расійскі бок ставіць у першую чаргу, а яны часам не супадаюць (з беларускай пазіцыяй). Таму цяпер міністэрствы, урады робяць вялікую працу, каб за лістапад канчаткова прадставіць кіраўнікам дзяржаў тое, што ў нас атрымалася», — сказаў Сяргей Румас.
«Мы вельмі актыўна цяпер працуем над праграмай дзеянняў (па выкананні саюзнай дамовы). Мы хочам удыхнуць новыя сілы ў наш дагавор аб Саюзнай дзяржаве і рушыць наперад па шляху інтэграцыі па ўсіх практычна эканамічных напрамках», - сказаў Сяргей Румас.
Ён нагадаў, што цяпер міністэрства дапрацоўваюць 31 дарожную карту, якая закранае практычна ўсе сектара эканомікі.
Аляксей Кудрын пагадзіўся, што стаіць задача удыхнуць новае жыццё, новыя сілы ў працу Саюзнай дзяржавы і саюзныя дамовы. «Адпаведна, і мы гатовыя выказаць свой погляд на гэтыя мэты. У выніку такога аналізу хочам не толькі выявіць нейкія складанасці і рызыкі, але і зрабіць прапановы», — дадаў ён.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27
Каментары