30.10.2019 / 20:00

ПЭН-Цэнтр апублікаваў афіцыйнае тлумачэнне, за што быў выключаны Павел Севярынец 29

Афіцыйная фармулёўка, апублікаваная на сайце ПЭН-Цэнтра, гучыць так: 

Рада РГА «Беларускі ПЭН-цэнтр», паводле пункта 3.6 Статута РГА «Беларускі ПЭН-цэнтр», выключае сябра арганізацыі Паўла Канстанцінавіча Севярынца ў выніку парушэння Статута арганізацыі.

Павел Севярынец выключаецца паводле статутных п. 3.8 (г)., згодна з якім кожны член РГА «Беларускі ПЭН-цэнтр» абавязаны абараняць гонар РГА «Беларускі ПЭН-цэнтр» і п. 3.1., згодна з якім сябры РГА «Беларускі ПЭН-цэнтр» абавязваюцца выконваць патрабаванні Хартыі Міжнароднага ПЭН-Клуба. Парушэнне п.3.1, паводле статута нашай арганізацыі, «несумяшчальнае з членствам у РГА «Беларускі ПЭН-цэнтр»».

Канстатуем, што Паўлам Севярынцам:

- зневажаўся гонар РГА «Беларускі ПЭН-цэнтр», выказвалася абразлівае і варожае стаўленне ў дачыненні да законнага кіраўніцтва, абранага Агульным Сходам арганізацыі, што парушае п. 3.8 (г) Статута арганізацыі;

- наўмысна фальсіфікавалася і скажалася інфармацыя дзеля прыватных мэтаў, што парушае п.4 Хартыі Міжнароднага ПЭН-Клуба, згодна з якім сябры арганізацыі «абавязаныя змагацца з такімі негатыўнымі праявамі свабоднага друку, як хлуслівасць, наўмысная фальсіфікацыя, скажэнне інфармацыі дзеля палітычных і прыватных мэтаў».

- публічна, сістэматычна дыскрымінавалася сацыяльная група ЛГБТК+, што пацвярджаецца вонкавай экспертызай і парушае п.3 Хартыі Міжнароднага ПЭН-Клуба, які абавязвае сяброў нашай арганізацыі «усімі сіламі змагацца супраць любых праяваў нянавісці».

NN.by

30
Гісторык / Адказаць
30.10.2019 / 20:08
Будзем спадзявацца, што ніхто ні на каго не крыўдуе. А лепш, каб усе заняліся тэрміновымі нацыянальнымі справамі.
101
А.М. / Адказаць
30.10.2019 / 20:11
Добра, што Радзе хапіла смеласці назваць рэчы сваімі імёнамі.
77
Вацлаў / Адказаць
30.10.2019 / 20:12
Слушна. Выпрасталі сьпіну і прамовілі прама.
Бо папярэдняя спроба выключыць пана Севярынца была з водарам маладушша.
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру