31.10.2019 / 17:02

Міхаіл Баярын. Стары і новы свет. Верш 3

Сьвет сапраўды падзяліўся на стары і новы,
толькі не на паседжаньні пісьменьнікаў,
а недзе 2000 год таму, у нагорнай казані,
адбылася сусьветная маральная рэвалюцыя.

Багі, жрацы і ахвяры, праведнікі, і грэшнікі,
сьвятыя пісьмёны, і каляндарныя сьвяты,
і розныя правільная запаведзі былі і раней,
але зьмянілася тое, чаму яны правільныя,
пра каго яны, і пра што яны кажуць.

У гэтым новым сьвеце, які тады ўзьнік,
мы становімся хрысьціянамі, будыстамі, атэістамі,
адмяняем сьмяротныя кары ці абараняем геяў,
чытаем і пішам тут свае вершы й раманы,
бо гэта тут мае сэнс.

Але пабіваем каменьнем усім кагалам,
цкуем аднаго ўсім курыным статкам,
крывім душою і хлусім за сябраў,
гонім чужынца за межы племя,
мы ўсё яшчэ ў тым, старым сусьвеце.

6
хамса / Адказаць
31.10.2019 / 18:59
а я ўсё думаю, чаму першая літаратурная даўно не друкуе новых вершаў і апавяданняў? даўно няма чаго друкаваць? гледзячы на гэты “твор” то няма
>бо гэта тут мае сэнс.
толькі для аўтара і іншай каляпэнаўскай тусоўкі.. у тым ліку нн, якая раздула буру ў шклянцы вады ўвогуле да сусветных масштабаў
нн, расчаравалі.. я думала - вы шырэй, чым нейкі пэн ці погляды і прыхільнасці парачкі вашых шэфаў(
3
Міхась, Віцебск / Адказаць
31.10.2019 / 21:01
Не памятаю, ці быў тут верш Рудака "на тэму"? Вядома, ён не адпавядае пазіцыі НН, але ж як паэзія... зусім іншы ўзровень:)
0
Нават / Адказаць
01.11.2019 / 12:36
Не, спадар Баярын,мы якраз вяртаемся назад, туды да дзікунства,невуцтва,жорсткасці,бо многім не патрэбна праўда,справядлівасць,дабрыня, прыгажосць.Ім хочацца жывёльнай свабоды.
Каб пакінуць каментар, калі ласка, актывуйце JavaScript у наладах свайго браўзеру