03.11.2019 / 21:41

БАТЭ сенсацыйна прайграў дома «Іслачы»: адставанне ад Брэста — сем балаў 4

Павел Няхайчык («Дынама» Брэст) паказвае суддзі 100%-ны пенальці ў матчы, фота Tut.by

Нядзеля падарыла два цікавыя матчы ў чэмпіянаце краіны па футболе. Спачатку лідар чэмпіянату брэсцкае «Дынама» гуляла дома з «Шахцёрам». 

У гэтым матчы было ўсё. Пры ліку 1:1 арбітр не ўгледзеў пенальці ў штрафной плошчы «Шахцёра» (абаронца відавочна згуляў рукой).

У беларускім чэмпіянаце краіны сістэмы відэапаўтораў няма. Гульцы Брэста спрабавалі паказаць руку салігорцаў на мабільным. Але суддзя быў непахісны. Потым ён жа адмяніў 95%-ны гол берасцейцаў пры даволі сумнеўным афсайдзе. Матч так і скончыўся — 1:1.

Здавалася, БАТЭ, што пачынаў свой матч з «Іслаччу» пасля сканчэння гульні ў Брэсце, меўся скарыстацца момантам і выйграваць, каб скараціць адставанне ад Брэста. А барысаўскі клуб узяў і саступіў 2:4, выйграючы 2:1.

Такім чынам адставанне БАТЭ ад Брэста складае сем балаў за тры туры да фінішу.

Дынама Брэст — 68, БАТЭ — 61, Шахцёр — 59, Дынама Мінск —47, Іслач — 45, Тарпеда-БелАЗ — 45, Гарадзея — 43

10 лістапада Брэст гуляе ў гасцях з «Іслаччу», а БАТЭ з «Віцебскам», «Шахцёр» гуляе дома са «Славіяй»

Каб стаць чэмпіёнам брэсцкаму «Дынама» дастаткова ў трох матчах набраць тры ачкі. БАТЭ нязменна станавіўся чэмпіёнам краіны з 2006 года.

NN.by

4
Niemand / Адказаць
03.11.2019 / 22:35
"А барысаўскі клуб узяў і саступіў..." Бу-га-га!.. Калі б не гастролі суддзі-"чараўніка" ў Брэсце, сьоння ўсьо ўжо было б вырашана. Хаця яно і так ўсьо зразумела.
2
Жвір / Адказаць
04.11.2019 / 11:37
Так бявае, адна каманда мае значную гульнявую перавагу, але прайграе. Гульня была прыгожая, футбол якасьці топавых еўрапейскіх чэмпіянатаў. 
4
Жвір / Адказаць
04.11.2019 / 13:51
У Брэсьце Шахцёр меў болей шанцаў перамагчы, чым Дынама. Не паказала Дынама чэмпіёнскай гульні. Аднак не заваяваць чэмпіёнства Брэст ужо ня зможа, як бы не намагаўся. :)
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру