04.11.2019 / 15:23

У Швейцарыі забілі асабістага цырульніка Крышціяну Раналду 1

Facebook.com

Былы цырульнік форварда зборнай Партугаліі і турынскага «Ювентуса» Крышціяну Раналду Рыкарда Маркес Ферэйра знойдзены мёртвым у адным з швейцарскіх гатэляў. Пра гэта паведамляе газета Observador.

Па дадзеных выдання, цела 40-гадовага мужчыны знайшлі ў пятніцу, 1 лістапада, супрацоўнікі гатэля ў раёне Альбісрыдэн у Цюрыху. Труп з нажавымі раненнямі ляжаў на ложку, паўсюль былі сляды крыві. Таксама паведамляецца, што ў нумары прысутнічаў моцны пах алкаголю.

Паліцыя лічыць прыярытэтнай версію аб забойстве партугальца. У нядзелю, 3 лістапада, у Цюрыху затрымалі 39-гадовага грамадзяніна Бразіліі, якога падазраюць у здзяйсненні злачынства. Пра матывы меркаванага забойцы не паведамляецца.

Рыкарда Маркес Ферэйра жыў і працаваў у Цюрыху з 2017 года. Акрамя Раналду яго кліентамі былі многія партугальскія знакамітасці, сярод якіх дызайнер Фаціма Лопеш і тэлевядучая Ліліяна Кампас.

NN.by

0
Кабачок / Адказаць
04.11.2019 / 17:57
Любовники под влиянием бухла поссорились. Наверное горячий латино приревновал.
Каб пакінуць каментар, калі ласка, актывуйце JavaScript у наладах свайго браўзеру