04.11.2019 / 17:38

Масква не працягнула Мінску «перамытнёўку» нафты. Страты ў 2020 годзе складуць $423 мільёны 11

pxhere.com

Страты даходнай часткі бюджэту Беларусі ў 2020 годзе ад спынення «перамытнёўкі» расійскай нафты складуць 951 млн рублёў (каля 423,6 млн даляраў). Пра гэта заявіў першы намеснік міністра фінансаў краіны Юрый Селіверстаў, піша Tut.by

«Страты ў параўнанні з 2019 годам даходаў ад паступлення сродкаў ад так званай перамытнёўкі складуць 951 млн рублёў», — сказаў ён панядзелак у парламенце.

У тлумачальнай запісцы да праекту бюджэту-2020 гаворыцца пра страты «ад спынення тэрміну дзеяння дамоўленасцей з Расійскай Федэрацыяй у нафтагазавай сферы» на 950,9 млн руб.

Расія ў 2017 годзе з мэтай кампенсацыі высокіх (на думку беларускага боку) цэн на газ прадаставіла Беларусі магчымасць залічаць у свой бюджэт мытную пошліну ад 6 млн тон нафты (так званая перамытнёўка). Гэта «пагадненне аб супрацоўніцтве ў нафтагазавай сферы» дзейнічае па 2019 год уключна. Але на працягу гэтага года беларускія чыноўнікі казалі, што вядуць перамовы на прадмет падаўжэння дамовы.

Юрый Селіверстаў, адказваючы на ​​пытанне журналістаў, ці значыць гэта, што Мінск і Масква па пытанні «перамытнёўкі» нафты на 2020 год не дамовіліся, сказаў: «На дадзены момант пакуль так».

Як заявіў Селіверстаў, бюджэт таксама панясе страты «ва ўмовах нарастання дзеяння падатковага манеўру ў нафтавай сферы ў Расійскай Федэрацыі». Страты рэспубліканскага бюджэту ад вывазных мытных пошлін на нафтапрадукты складуць 537,2 млн рублёў (каля 239,3 млн даляраў), адзначаецца ў дакументах да праекту бюджэту.

NN.by

2
Палескі партызан / Адказаць
04.11.2019 / 18:24
Калі там тэрмін арэнды вайсковых аб'ектаў завяршаецца, 20-21? Ласкава просім саюзнікаў Drang nach Osten. Хаця з іх і проста nach будзе дастаткова. І Белтрансгаз нядрэнна было б вярнуць у дзяржмаёмасць.
1
Ваўкалак / Адказаць
04.11.2019 / 18:28
Ну і халера з імі, рост ПВТ складзе столькі ж.
1
Матёрый / Адказаць
04.11.2019 / 18:33
Друзья, я запутался. Мы слышим денег на дороги нету. Дифицыт пенсионного фонда. Тогда куда дивались все эти деньги?! Денег нет, но Вы держитесь.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру