04.11.2019 / 23:29

Скрадзенае пасведчанне кіроўцы паказала 17-гадовая жыхарка Баранавіч, калі яе затрымалі за безбілетны праезд

Міліцыянеры сталіцы затрымалі 17-гадовую жыхарку Баранавіч, якая, каб не плаціць за безбілетны праезд у грамадскім транспарце, прад'явіла кантралёрам чужое вадзіцельскае пасведчанне.

У міліцыю звярнулася 21-гадовая жыхарка сталіцы. Дзяўчына распавяла, што ў момант, калі яна знаходзілася ў сталіцы, у горадзе Баранавічы на яе быў складзены адміністрацыйны пратакол за безбілетны праезд у грамадскім транспарце. Пра тое, што яна прыцягнутая да адказнасці, дзяўчына даведалася з паведамлення аб аплаце штрафу, якое прыйшло да яе на паштовы адрас.

Высветлілася, што мінчанка не датычная да адміністрацыйнага правапарушэння. Аказалася, што асабістымі дакументамі дзяўчыны скарысталася наглядна знаёмая 17-гадовая жыхарка горада Баранавічы.

У ходзе апытання фігурантка распавяла, што правы кіроўцы 21-гадовай мінчанкі яна выкрала, калі прыязджала ў сталіцу да свайго знаёмага, які пражываў сумесна з пацярпелай.

Дзяўчына прад'явіла чужыя дакументы для складання пратакола аб адміністрацыйным правапарушэнні.

NN.by

Каб пакінуць каментар, калі ласка, актывуйце JavaScript у наладах свайго браўзеру