04.11.2019 / 23:37

Фура з Беларусі перавярнулася ў Германіі

Аднаго з беларусаў, якія пацярпелі ў выніку аварыі ў Германіі, ужо выпісалі, другога адпусцяць дамоў праз тыдзень, паведамляе СТБ.

Пасольства звязалася з клінікамі і дактарамі, якія займаюцца нашымі кіроўцамі. Адзін з вадзіцеляў ужо выпісаны, яго здароўю нічога не пагражае. Другі будзе знаходзіцца на лячэнні яшчэ прыкладна на працягу тыдня.

Кіроўца фуры і яго напарнік былі шпіталізаваны ў выніку аварыі, якая здарылася напярэдадні недалёка ад горада Ібенбюрэна ў Германіі.

Фура зачапіла агароджу трасы, перасекла дзве суцэльныя паласы, зноў урэзалася ў агароджу і перакулілася.

Паводле папярэдняй інфармацыі, вялікагруз з Беларусі перавозіў кветкі.

Шкода ад ДТЗ ацэньваецца прыкладна ў 130 тысяч еўра.

Каб пакінуць каментар, калі ласка, актывуйце JavaScript у наладах свайго браўзеру