05.11.2019 / 08:29

«Макдоналдс» выплаціць $8 млн звольненаму за службовы раман прэзідэнту

«Макдоналдс» выплаціць прэзідэнту кампаніі Стыву Істэрбруку, звольненаму за раман з супрацоўніцай, дапамогу ў памеры шасці заробкаў, паведамляе The Wall Street Journal.

Выданне адзначае, што за 2019 год Істэрбрук зарабіў 15,9 мільёна даляраў. Яму плацілі 1,35 мільёна даляраў у месяц.

На пасаду новага прэзідэнта кампаніі прызначылі Крыса Кемпчынскага, які ўзначальваў падраздзяленне кампаніі ў ЗША. Яго зарплата на пасадзе будзе складаць 1,25 мільёна даляраў.

Раней паведамлялася, што прэзідэнт «Макдоналдса» Стыў Істэрбрук парушыў палітыку кампаніі, завёўшы раман з падначаленай. Яму давялося пакінуць пасаду.

NN.by

Каб пакінуць каментар, калі ласка, актывуйце JavaScript у наладах свайго браўзеру