05.11.2019 / 21:50

WSJ: Паглынанне Беларусі прывядзе да змены балансу сіл у Еўропе 28

Краіны Захаду асцерагаюцца перспектывы паглынання Беларусі Расіяй, бо гэта можа змяніць баланс сіл у Еўропе, піша The Wall Street Journal.

Заходнія ўрады імкнуцца ўмацаваць супрацоўніцтва з Беларуссю, аднак нават такое невялікае партнёрства мае свае межы: на Захадзе асцерагаюцца, што збліжэнне Мінска з Захадам можа справакаваць расійскую інтэрвенцыю.

У той час як заходнія міністэрствы замежных спраў настроены на збліжэнне і падтрымку незалежнасці Мінска, некаторыя вайсковыя начальнікі НАТА глядзяць на гэта са скепсісам.

«Іх узровень супрацоўніцтва з Расіяй пакідае нам мала поля для манеўру», — сказаў генерал-лейтэнант Раймунд Анджэйчак.

«Гэта абсалютна неверагодная інтэграцыя, улічваючы ўсе элементы, сістэмы камандавання і кантролю», — сказаў Анджэйчак.

«Сітуацыя сур'ёзная ў тым плане, што Расія, магчыма, паспрабуе прымусіць іх аб'яднацца, — прывяла газета меркаванне міністра замежных спраў Польшчы Яцэка Чапутовіча. — На іх аказваюць націск і настаў час для ЕС, для Польшчы і для іншых краін падтрымаць іх суверэнітэт». Паводле яго слоў, Беларусь — «гэта краіна, дзе неабходны рэформы, але зараз варта надаць увагу больш сур'ёзным пытанням».

У сваю чаргу былы памочнік міністра абароны ЗША Аляксандр Вершбаў заявіў, што «ніхто не мае ілюзій» з нагоды таго, што ўлады Беларусі «пойдуць такім самым курсам, як Украіна ці Грузія», якія пайшлі на збліжэнне з ЕС. «Аднак, калі яны хоць неяк ускладняць разлікі Расіі і калі яны сапраўды акажуць матэрыяльную і палітычную падтрымку ўкраінскаму суверэнітэту, то гэта будзе зусім не дробным пытаннем», — працытавала выданне Вершбаў, які займаў у 2012-2016 гадах пасаду намесніка генеральнага сакратара НАТА.

Паводле яго слоў, краінам Захаду варта праяўляць асцярожнасць і не ствараць уражанні аб занадта цесных сувязях з Мінскам, паколькі гэта выклікала б жорсткую рэакцыю Расіі.

NN.by

2
Літовец / Адказаць
05.11.2019 / 22:40
Трэюы Пуціна ўзяць у заложнікі і не аддаваць пакуль не перавядуць 100 мільярдаў даляраў кампенсацыі за 200 гадоў акупацыі.
40
Черная Русь / Адказаць
05.11.2019 / 23:39
Баланс сил ничем не изменишь.. Посмотрите на карту.. 
1
Той самы / Адказаць
06.11.2019 / 03:25
Усё залежыць ад народа Беларусі. 

Калі беларускі народ захоча, каб Беларусь была незалежнай, то ніякая Расея нічога не зробіць, яна проста абсер...ца, яшчэ горш чым з Украінай.

А тое, што Захад (згодна ўяўленьням пэўных дзеячоў) баіцца раззлаваць крымінальна-чэкісткую Расею - гэта нагадвае часы, калі той самы Захад баяўся раззлаваць Гітлера.

Чым усё скончылася - добра вядома.
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру