06.11.2019 / 07:29

Трамп саступае пяці магчымым супернікам на выбарах 4

Амерыканскі лідар Дональд Трамп саступае па папулярнасці сярод выбаршчыкаў пецярым дэмакратам, якія могуць стаць яго супернікамі на маючых адбыцца ў лістападзе 2020 года прэзідэнцкіх выбарах. Пра гэта сведчаць апублікаваныя ў аўторак вынікі апытання грамадскай думкі, праведзенага сацыялагічнай службай Langer Research Associates на замову тэлекампаніі NBC і газеты The Washington Post, піша tass.ru.

Паводле гэтых ацэнак, самыя высокія шанцы на вылучэнне кандыдатам у прэзідэнты ЗША ад Дэмакратычнай партыі па-ранейшаму маюць пяць палітыкаў. Гаворка ідзе пра былога віцэ-прэзідэнта Джозэфа Байдэна, сенатара ад штата Вермонт Берні Сандэрса, сенатара ад Масачусетса Элізабэт Уорэн, мэра горада Саўт-Бэнда (штат Індыяна) Піта Бутэджаджа і сенатара ад Каліфорніі Камалу Харыс. Яны на працягу ўжо некалькіх месяцаў лічацца лідарамі перадвыбарнай гонкі сярод дэмакратаў.

Як сведчаць вынікі апытання, калі б выбары прэзідэнта ЗША адбыліся зараз, Трамп прайграў бы кожнаму з пяці названых палітыкаў. Калі б кандыдатам ад дэмакратаў вылучылі Байдэна, ён атрымаў бы 56% галасоў выбаршчыкаў, а Трамп - 39%. Такія ж вынікі былі б і ў тым выпадку, калі б супернікам Трамп стаў Сандэрс. 

Уорэн перамагла б Трампа, набраўшы 54%, вынік рэспубліканца склаў бы 39%. Бутэджадж атрымаў бы перамогу над Трампам пры суадносінах 51% да 40% галасоў на карысць дэмакрата. Харыс выйграла б на выбарах пры суадносінах галасоў 52% да 41%.

Трамп раней неаднаразова заяўляў, што не лічыць вартымі даверу вынікі сацыялагічных апытанняў, зробленых на замову шэрагу вядучых СМІ. На думку кіраўніка Белага дома, яго палітычныя апаненты схільныя выдаваць жаданыя вынікі за сапраўдныя.

NN.by

7
american / Адказаць
06.11.2019 / 07:40
Именно поэтому руководство демократов в конгрессе заявляют что если им не удастся провести импичмент Трамп победит в 2020 году повторно . Там если взять оппонентов Трампа то вообще голосовать не за кого . Теряющий память коррумпированный Байден , а остальные аналог советских коммунистов типа Зюганова обещающих отобрать у богатых деньги и отдать их бедным . 
6
Туш / Адказаць
06.11.2019 / 08:30
Трамп саступае Сандэрсу ? Смех у зале.
6
adzin minak / Адказаць
06.11.2019 / 10:05
Глупства. Узята адно апытанне замоўленае карпарацкімі медыямі, якія выміраюць і якім у Амерыцы ўсё менш і менш людзей давяраюць, глядзяць і чытаюць. Да таго ж падана крамлёўскім прапагандарэсурсам тасс!
Паводле іншых апытанак ўсе гэтыя кандыдаты пралятаюць у 2020.
Амерыканцы ня хочуць сацыялізму і высокіх падаткаў, то бок крадзяжу іх грошай.
Пры Трампе лепей стала дыхаць як сярэднім так і працоўным клясам. Ён ім падаткі абрэзаў, эканоміка расце.
Пасля гэтага галасаваць за кліматычна-гендэрных бальшавікоў, якія хочуць скрасці ў іх грошы, адабраць зброю і ўвесці цэнзуру па жаданні SJW-хунвэйбінаў? Гэтага не будзе.
Для нармалёвых амерыканцаў усё зразумела. CNN, NBC, ABC гэта ўсё мінулае.
Медыйны рынак зараз пераразмяркоўваецца на карысць відэаблоггераў і незалежных журналістаў.
Адтаго шмат блавакання і цэнзуры кансерватараў на ютубе. Але ёсць ужо альтэрнатыўныя платформы, дзе няма дыктату левацкіх "паліткарэкціроўшчыкаў" з Silicone Valley.
Прыпякае ім з імпічментам, які проста страшылка і пустышка для Дональда. Але ён яе не баіцца.   
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру