06.11.2019 / 07:55

Крыніцы: Арабскія шэйхі збудуюць міжнародны фінансавы цэнтр каля Драздоў 19

Учора Аляксандр Лукашэнка сустрэўся з прэм'ер-міністрам Аб'яднаных Арабскіх Эміратаў шэйхам Мухамедам бен Рашыдам аль-Мактумам. У ліку іншага кіраўнік дзяржавы абмеркаваў з ім стварэнне з дапамогай ААЭ міжнароднага фінансавага цэнтра ў Мінску. Tut.by даведаўся, дзе можа размясціцца гэты аб'ект.

Як распавялі парталу некалькі інфармаваных крыніц, пакуль у якасці асноўнай пляцоўкі пад фінансавы цэнтр разглядаецца паўночны бераг Свіслачы ў раёне вадасховішча Дразды. Прыкладныя межы ўчастка выглядаюць так:

Скрыншот: tut.by.

Мяркуецца, што ў фінансавым цэнтры будуць не толькі дзелавая, забаўляльная і турыстычная зоны, але і міжнародны выставачны комплекс. «Гэта будзе найбуйнейшы інвестпраект. Плошча — да тысячы гектараў », - кажа адзін з суразмоўцаў партала.

Цяпер арабскія інвестары рыхтуюць канцэпцыю комплексу, якая ў выніку ляжа на стол Аляксандру Лукашэнку. Апошняе слова будзе за ім, бо для рэалізацыі такога праекта трэба прымаць указы прэзідэнта.

Па-першае, трэба будзе ўносіць змены ў Генплан Мінска, каб вывесці з абароту ворныя землі, на якіх хочуць будаваць фінцэнтр. Па-другое, для падобных праектаў звычайна вызначаецца іншы падатковы рэжым.

Адзначым, што шэйх Махамед кантраляваў стварэнне вялікай колькасці транснацыянальных бізнес-праектаў, у тым ліку будаўніцтва самага высокага будынка ў свеце — Бурдж-Халіфа. Махамеду належаць два шматпрофільныя кангламераты — Dubai World і Dubai Holding, якія займаюцца будаўніцтвам, фінансамі, турызмам, тэлекамам, перавозкамі, лагістыкай.

NN.by

4
american / Адказаць
06.11.2019 / 08:05
бред . нужна онкологическая клиника с современным оборудованием . финансовые центры пусть строят у себя в пустыне . росеяне загадили Минск своими уродливымы постройками . теперь настала очередь шейхов лепить всякую ерунду . 
0
Туш / Адказаць
06.11.2019 / 08:27
А як жа Мінск-мір браццяў Караджычаў? Распіналіся ўвесь час, што там будзе гэты цэнтр. А тут ужо ў Драздах. А будаваць там таксама будзе Дана?
2
Пожалуй / Адказаць
06.11.2019 / 08:37
Великий Камень уже построил. Теперь взялся за Великий Финпузырь. Гигантомания во всей красе. Куда тут до повседневной нудной работы по реформированию и качеству управления сверху донизу.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру