06.11.2019 / 14:11

Антоній Бокун: Чаму ніхто не спыняе хрысціянафобію? 17

Бурапенныя дыскусіі ў ПЭН-цэнтры змусілі задумацца пра распаўсюджаны сярод адукаваных людзей страх перад хрысьціянамі і, нават больш за тое, страх, каб нехта не падумаў, што ты падзяляеш хрысціянскія погляды. Нямала паважаных людзей, выказваючы сваю заклапочанасць сітуацыяй у ПЭН-цэнтры, дадавалі словы: «Калі што, я Севярынца не падтрымліваю». У гэты самы час абвінавачванняў у цемрашальстве, «хрыстанутасці» і г. д. лілося нямала, і гэта нібыта нічога, нікога пасля гэтага не назавуць хрысціянафобам. Чаму?

Адзін адказ дае «Ноч растраляных паэтаў»: будзеш заўважаны ў рэлігійнасці, трапіш у Курапаты, у Сібір. Так было дзесяцігоддзямі.

Але ёсць і другі, новы трэнд, бо найбольшая агрэсія супраць хрысціянства сыходзіць ад маладзейшых людзей. І гэта паходзіць з «культурнага марксізму», або, калі некаму не падабаецца гэты тэрмін, з «новых левых». Гербэрт Маркузэ прапагандаваў «рэпрэсіўную талерантнасць», якая талерантная толькі да левых, і неталерантная да правых, прычым не толькі да іх дзеянняў, але нават да думак і словаў.

38
Мордехай В. / Адказаць
06.11.2019 / 14:59
Як ніхто? А як жа з намі Пуцін і Хрыстос? Масква - апошні храм, а Пуцін - апошні ерусалімскі кароль Балдуін. Запісвайцеся ў апошні крыжовы паход, кожнаму паладзіну  дадуць гектар у раі ды па 4 бусурманы ў служкі.

А па факце, што пазітыўнага ёсць хрысціанству прапанаваць сучаснасці? Калі адзін немец з гары крычаў, што ваш бог - памёр, вы ўсе смяяліся, што ён з глузду з'ехаў... Але ж прайшло 150 год. І апынулася, што дыягназ быў годны. Ён памёр, і для росквіту чалавецтва апынулася, што ён ня толькі не патрэбны, а нават месцамі перашкаджае.

З таго вы і ірвецеся ў ахвяры. Маўляў, пачуцці вернікаў прыцясняюць... Але ж тут, выбачайце, большага крывадушніцтва цяжка знайсці, апасля тысяч гадоў забойстваў імем "правільнага бога". Гэта не страх, гэта грэблівасць перад вашым крывадушніцтвам.

Лепей памінайце ахвяраў ціхенька, замальвайце грахі свайго бога, праз 300 год пагаварым. Але да таго часу застануцца мабыць, хіба пяцідзесятнікі ды мармоны.  
21
Той самы / Адказаць
06.11.2019 / 15:03
Дакладна заўважана. Агрэсіўнасьць, нецярпімасьць левакоў - рэч настолькі відавочная, што не зьвярнуць на  яе ўвагу немагчыма.
22
Kent / Адказаць
06.11.2019 / 15:10
Слушна
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру