06.11.2019 / 14:08

У Расіі салдат-татарын расстраляў 8 саслужыўцаў, бо яны хацелі яго згвалціць 51

Салдат тэрміновай службы Раміль Шамсутдзінаў расстраляў сваіх таварышаў па службе ў вайсковай часці ў расійскім Забайкаллі з-за пагрозы яго «апусціць». Адпаведныя паказанні ён даў ваеннаму следству, іх прыводзіць выданне Baza.

Па словах Шамсутдзінава, пасля таго, як ён паступіў на службу, у яго скралі — «дакладней, адабралі тэлефон». Пра гэты інцыдэнт радавы не паведаміў бацькам, а толькі схаваў сім-карту, каб перыядычна ўстаўляць яе ў чужыя тэлефоны і тэлефанаваць родным. Малады чалавек адзначыў, што акрамя тэлефона ў яго адбіралі грошы.

«Каму скардзіцца? Смешна. Паведамляць проста няма каму. Каму мне паведамляць, калі самі афіцэры мяне і білі? Думаў уцячы, але ж усё зачынена. Што мне было рабіць?» — патлумачыў ён.

Як сцвярджае Шамсутдзінаў, у той жа дзень афіцэры абяцалі яго «апусціць». Усё павінна было адбыцца пасля варты. «Так і сказалі, папярэдзілі, што тыпу згвалцяць», — працягнуў падазраваны.

Ён дадаў, што да яго ўжо «апускалі» іншых маладых, і ў той вечар была яго чарга. «Калі мяне затрымалі, мяне вельмі моцна білі, я думаў, калі шчыра, што памру», — сказаў на заканчэнне Раміль.

Інцыдэнт у вайсковай частцы ў Забайкаллі адбыўся 25 кастрычніка. Шамсутдзінаў пры змене варты застрэліў васьмярых таварышаў па службе, першым быў забіты камандзір роты. Радавы адразу здаўся групе антытэрору, а на допыце заявіў, што не шкадуе аб зробленым.

Члены татарскага «ўрада ў выгнанні» заклікалі землякоў да байкоту службы ў расійскай арміі

NN.by

4
Кажыма праўду / Адказаць
06.11.2019 / 14:30
Мужык, абараніў сябе ад вырадкаў, узгадаваных на брыдотасным блатняку.

На жаль, у нашай краіне праз уплыў расейскай маскультуры таксама шмат адэптаў блатняцкай рамантыкі. Далоў гапату, няхай жыве прыстойная Беларусь!
1
Лях / Адказаць
06.11.2019 / 14:32
Дык уся расея жыве як зона «па паняцiях», пачынаючы з самага верху.
9
Aleh / Адказаць
06.11.2019 / 14:37
Хороший парень.Без иронии.
Паказаць усе каментары/ 51 /
Каб пакінуць каментар, калі ласка, актывуйце JavaScript у наладах свайго браўзеру