07.11.2019 / 11:50

Названа словазлучэнне года. Пра яго лёгка здагадацца 5

Fortune

Слоўнік Колінза англійскай мовы назваў climate strike («кліматычная забастоўка») словазлучэннем года.

Вядома, што ўпершыню яно было выкарыстана ў 2015 годзе з-за пратэстаў падчас канферэнцыі ААН па пытаннях змены клімату. У 2019 годзе яно атрымала папулярнасць з-за 16-гадовай шведскай экаактывісткі Грэты Тунберг. Дзяўчынка з сіндромам Аспергера лічыцца адным з лідараў сусветнага экалагічнага руху.

Грэта атрымала вядомасць пасля адзіночнага пікету перад будынкам парламента ў Стакгольме ў 2018 годзе. У верасні гэтага года Тунберг выступіла на саміце па клімаце ў ААН, дзе адчытала палітыкаў за разбуральныя наступствы іх рашэнняў.

Адзначаецца, што ў шорт-лісце былі таксама словы influencer (чалавек, які ўплывае на іншых), deepfake (тэхналогія, якая замяняе твары) і rewilding (аднаўленне дзікай прыроды).

Колінз з'яўляецца найбуйнейшым аднатомным тлумачальным слоўнікам англійскай мовы. У ім тлумачыцца значэнне больш за 722 тысячы слоў. Выданне складаецца з 2340 старонак і важыць 2,6 кілаграма.

NN.by

12
Ян Севярын Бакей / Адказаць
07.11.2019 / 12:20
мяне будуць  люта мінусаваць, калі ўвогуле прапусьцяць гэты камэнт (дэмакратыя і талерантнасьць - яны такія дэмакратычныя і талерантныя...)
але ўсё адно скажу. можна быць спакойным за экалагічны рух - лідэрам тут не невядомыя актывісты, што пляжы чысьцяць ад тэхнагенных выкідаў, не невядомыя аматары лесу, што ціха і настойліва аднаўляюць высечанае-выпаленае на мільёнах гектараў, нават не распрацоўшчыкі ветравых энэргастанцый ці электрааўтамабіляў...
лідэрам тут...э-э-э.... псіхічна унікальна здаровая асоба, што бліскуча закончыла ВНУ(можа, нават не адну...)  па сьпецыяльнасьці экалёгія" і даказала свае ня меней унікальныя здольнасьці сістэмнага аналізу доктарскай , што адразу намінаваная на годнасьць акадэміка.(і перамяшчаецца гэты лідэр па сьвеце з самміта на самміт пеша, каб не павялічваць выкіды парніковых газаў..на яхце , кажаце? ну няхай так. а на чым перамяшчаецца абслуга яхты - асобнае пытаньне..за кадрам...)
5
tagasvietnik / Адказаць
07.11.2019 / 13:53
Ян Севярын Бакей, Мяне цікавіць іншае: чаму тысячы іншых экаактывістаў, якія, дарэчы, і справай даказваюць сваю пазіцыю, не возяць за іх ляманты па самітах і не тыражуюць у СМІ? Што такога выбітнага зрабіла гэта дзяўчо, каб атрымаць столькі ўвагі да сябе?
6
Ліцьвін металіст / Адказаць
07.11.2019 / 14:31
Праблемы клімату складаныя, іх трэба вырашаць, але для гэтага трэба мазгі, а прасцей накрэмзаць на паперы школьны кліматычны страйк, сядзець на срацы пад плотам, а яшчэ лямантаваць на іншых, і прагуліваць урокі.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру