Эканоміка22

«Беларуськалій» і кітайская Migao пабудавалі завод па вытворчасці дарагіх угнаенняў

Дзяржкампанія «Беларуськалій» сумесна з кітайскай Migao Corporation запусцілі завод па вытворчасці нітрату калію. Інвестыцыі ў праект перавысілі 100 млн еўра. Акупіць новы завод плануецца за 4 гады, паведамляе tut.by.

Фота: mlyn.by

Рэалізацыяй праекта займалася кампанія «Белкалій-Мігао», у якой доля «Беларуськалія» складае 70%, Migao Corporation — 30%. Генеральным падрадчыкам будаўніцтва завода выступала прыватная кампанія «Машхімпрам», якая ўваходзіць у холдынг «Пасат».

«Першы ў Рэспубліцы Беларусь завод па вытворчасці нітрату калію узведзены ў рэкордна кароткія тэрміны — за год, замест запланаваных 3,5 гадоў. Будаўніцтва ажыццяўлялася ў рамках стратэгіі развіцця «Беларуськалій» і накіравана на дыверсіфікацыю вытворчасці на аснове базавага прадукту — хларыду калію, пашырэнне рынкаў збыту, стварэнне новых канкурэнтных пераваг», — паведамляе прэс-служба салігорскай кампаніі.

Фота: mlyn.by

Нітрат калію ў асноўным ужываецца ў якасці мінеральнага ўгнаення ў сельскай гаспадарцы і з'яўляецца прэміяльным прадуктам, бо ў ім змяшчаюцца адразу два асноўныя пажыўныя элементы для раслін, азот і калій, і практычна адсутнічае хлор.

Калі тона калійных угнаенняў каштуе 260-290 даляраў, у залежнасці ад рынку, то тона нітрату калію — каля 800 даляраў.

Гадавая магутнасць першай чаргі новага завода складзе 80 тысяч тон нітрату калію і 62 тысячы тон грануляваных азотна-калійных угнаенняў. Плануецца, што прадукцыя будзе прадавацца ў краіны Еўрасаюза, Турцыю і Расію, а таксама Кітай, што прадугледжана падпісаным з Migao Corporation асобным пагадненнем.

Фота: mlyn.by

Комплекс абышоўся ў 102,9 млн еўра. Банк БелВЭБ вылучыў крэдыт у памеры 57 млн ​​еўра.

Тэрмін акупнасці новага завода — каля чатырох гадоў.

Гэты праект — пачатак сумеснай працы Migao Corporation і «Беларуськалія». Наперадзе — другая чарга па вытворчасці новай прадукцыі, у прыватнасці, сульфату калію.

Фота: mlyn.by

Каментары2

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?3

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Усе навіны →
Усе навіны

МЗС Літвы накіравала Беларусі ноту пратэсту з-за расійскага дрона

«Гэта хлеб ці клей?»: жыхарка Баранавічаў абурылася якасцю прадукцыі хлебазавода9

Трыбуна стадыёна будучага суперніка мінскага «Дынама» ў еўракубках названа ў гонар футбаліста, які памёр падчас матча

Адказнасць за забойства палкоўніка СБУ Вароніча ў Кіеве ўзяла на сябе неанацысцкая групоўка «База»3

«Я не бачыў нічога такога»: як лялькі Labubu прынеслі шалёны прыбытак3

Мінскае «Дынама» вылецела з кваліфікацыі Лігі чэмпіёнаў у першым раўндзе2

Беларускія мытнікі адказалі на скаргі адносна доўгага афармлення на мяжы2

Сірыйскія ўлады і друзы дамовіліся пра спыненне агню6

У цэнтры Мінска проці начы выстраілася вялізная чарга людзей, некаторыя ў піжамах ВІДЭА4

больш чытаных навін
больш лайканых навін

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?3

Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?

Галоўнае
Усе навіны →

Заўвага:

 

 

 

 

Закрыць Паведаміць