Былы мэр Нью-Ёрка і мільярдэр Майкл Блумберг мае намер узяць удзел у выбарах прэзідэнта ЗША ад Дэмакратычнай партыі, паведамляе The New York Times.
Ён можа падаць заяўку для ўдзелу ў выбарах ужо на гэтым тыдні.
Дарадца Блумберга сказаў, што мільярдэр на працягу некалькіх тыдняў абдумваў гэтае рашэнне, аднак пакуль канчаткова яго не прыняў.
Блумберг накіраваў сваіх супрацоўнікаў у штат Алабама, дзе да 8 лістапада можна ўступіць у перадвыбарчую гонку. Там яны займаюцца зборам неабходных подпісаў.
0
0
0
0
0
0