08.11.2019 / 17:23

Кандыдатку абвінавацілі ў распальванні нацыянальнай варожасці падчас «Ланцуга памяці» каля КДБ 5

Акруговая выбарчая камісія па Мінскай-Паўднёва-Заходняй выбарчай акрузе №99 вынесла папярэджанне кандыдатцы Алене Талстой за «Ланцуг памяці» каля КДБ 29 кастрычніка ў гадавіну «чорнай ночы» 1937 года.

«Ланцуг памяці-2019». Фота: svaboda.org.

Сам факт парушэнняў выбарчага заканадаўства 29 кастрычніка кандыдаткай устанавілі сябры камісіі па іншай акрузе — Купалаўскай №95.

Камісія ўстанавіла, што пікет каля КДБ прысвечаны ахвярам НКВД, расстраляным беларускім дзеячам культуры і навукі, не з'яўляўся перадвыбарнай агітацыяй і не меў на мэце заахвоціць выбаршчыкаў да ўдзелу ў выбарах. 

«Мела месца распаўсюджванне паведамленняў Талстой, якiя распальваюць нацыянальную варожасць (Саюз з Расіяй — заўсёды вайна, галеча, рэпрэсіі супраць беларусаў)», — адзначаецца ў рашэнні.

Камісія вынесла папярэджанне Талстой за тое, што інфармацыйны стэнд, размешчаны ў рамках правядзення пікета, змяшчаў інфармацыю, не звязаную з перадвыбарнай агітацыяй і быў напоўнены інфармацыяй, якая не адносіцца да выбарчай кампаніі.

3
Лявон Баршчэўскі / Адказаць
08.11.2019 / 19:53
выбарчая камісія нясе поўную лухту. Пытаньне ўшанаваньня людзей, забітых сталінскімі бандытамі, - гэта таксама пытаньне парляманцкага ўзроўню, бо ў краіне дзеля гэтага зроблена вельмі мала. Але, відаць, выбарчая камісія ня лічыць (напэўна, справядліва) "палатку" парлямантам.
4
Ёпрст / Адказаць
08.11.2019 / 20:00
Дык расейскіх засланцаў у нас шмат, таму і такія дзеянні так званай камісіі. Але іх прозвішчы яны ужо не схаваюць!
3
падарожны / Адказаць
09.11.2019 / 08:45
Есть история и история говорит то же самое, что и Толстая
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру