09.11.2019 / 16:35

Іспанія запытала ў Аўстрыі выдачы расійскага чыноўніка 3

Іспанскі суд запатрабаваў ад Аўстрыі выдаць яму былога расійскага чыноўніка Барыса Мазо, які абвінавачваецца ў адмыванні не менш за 4 мільёны еўра, піша DW.

Следчы суд горада Марбелля, поўдзень Іспаніі, запатрабаваў ад Аўстрыі ў суботу, 9 лістапада, неадкладна выдаць былога дырэктара дэпартамента кіравання маёмасцю і інвестыцыйнай палітыкі міністэрства культуры Расіі Барыса Мазо. Ён быў арыштаваны напярэдадні ў Вене ў ходзе сумеснай іспана-аўстрыйскай паліцэйскай аперацыі пад кодавай назвай Hammer.

У адпаведнасці з паведамленнем, распаўсюджаным прэс-службай Нацыянальнай паліцыі Іспаніі, Мазо падазраецца ў адмыванні не менш за 4 мільёнаў еўра шляхам набыцця, праз падстаўную фірму, у Марбеллі ў 2015 годзе эксклюзіўнага катэджа. Грошы паступілі ў Іспанію са швейцарскага рахунка расіяніна. Следчыя мяркуюць, што гаворка ідзе пра сродкі, выкрадзеныя чыноўнікам з бюджэту Мінкульта РФ.

Адначасова ў Марбеллі былі арыштаваныя былая жонка і сын чыноўніка, а таксама яго іспанскі адвакат. На іх заведзеная справа аб саўдзеле ў адмыванні — на падставе артыкула 301 пункта 4 Крымінальнага кодэкса Іспаніі. Усе трое адпушчаныя да суда на волю пад абяцанне рэгулярна з'яўляцца ў паліцыю і не пакідаць межы Іспаніі.

Між тым паліцыя распаўсюдзіла відэа, у якім паказана выкрыццё ў марбельскім доме Мазо тайніка з каштоўнасцямі. Суд наклаў арышт на катэдж чыноўніка, аўтамабіль, коштам у 100 тысяч еўра, ювелірныя вырабы і банкаўскі рахунак, на якім мелася 160 тысяч еўра.

8
Черная Русь / Адказаць
09.11.2019 / 23:10
скоро их всех пособирают.. и денежки в Россию вернут.. вот Кипр паспорта собирается отбирать.. Предупреждали их, что "пыль замучаются глотать" , но не верили.. 2-е предложение Путина всегда хуже 1-го.. Вот и Лукашенко об этом забыл
0
Ёпрст / Адказаць
09.11.2019 / 23:56
Салтыкоў-Шчадрын тады ня ведаў слова "татальна"
"Если я усну и проснусь через сто лет и меня спросят, что сейчас происходит в России, я отвечу: пьют и воруют…"
0
Андрюха Горец (Беларусь Витебск ) / Адказаць
10.11.2019 / 00:50
 Аааааа - Российского ?? !!! Выдать - немедленно !  Российского - нисколько и никому не жалко ..  Выдать -- ворюгу и  точка .. Но я бы его выдал не в Австрию или Италию - а в Зимбабве !!!   Там для Россиян - тюрьмы  хорошие .. крысы там - даже немного меньше домашней кошки ..
Каб пакінуць каментар, калі ласка, актывуйце JavaScript у наладах свайго браўзеру