09.11.2019 / 17:21

У Маскве прафесара, які назваў рускую мову ў яе цяперашнім стане «ўбогай і клаачнай», змушаюць прабачыцца 25

Фота са старонкі Гасана Гусейнава ў фэйсбуку.

Ад прафесара факультэта гуманітарных навук Вышэйшай школы эканомікі (ВШЭ) у Маскве, доктара філалогіі Гасана Гусейнава патрабуюць прабачэння за яго выказванне ў фэйсбуку

На сваёй старонцы ў ФБ Гусейнаў задаўся пытаннем, «чаму некаторым расіянам здаецца, што рускім ва Украіне невыносна вывучыць да сваёй рускай мовы яшчэ і ўкраінскую». І адказаў на яго так: «Таму што, прыехаўшы, напрыклад, у Берлін, гэтыя разумныя людзі не дзівяцца, убачыўшы ў тамтэйшых кіёсках газеты не толькі на нямецкай, але і на рускай і турэцкай, сербскай i французскай, грэцкай і польскай, англійскай і італьянскай. А ў Маскве, з сотнямі тысяч украінцаў, татар, кіргізаў і ўзбекаў, кітайцаў і немцаў, са свечкаю немагчыма знайсці нічога на іншых мовах, акрамя той убогай клаачнай рускай, на якой цяпер гаворыць і піша гэтая краіна».

Яго выказванне працытавалі многія расійскія СМІ, разгарэліся спрэчкі ў сацыяльных сетках. Пазней фэйсбук выдаліў гэтае выказванне пасля шматлікіх скаргаў расейскіх карыстальнікаў.

Камісія па этыцы ВШЭ рэкамендавала прафесару «прынесці публічныя прабачэнні за свядомы распаўсюд непрадуманых і безадказных выказванняў, якія нанеслі шкоду дзелавой рэпутацыі ўніверсітэта, а таксама дэзавуяваць дадзеныя выказванні».

Гасан Гусейнаў адмовіўся гэта рабіць.

Канфлікт стаў тэмай шматлікіх абмеркаванняў у расійскіх СМІ.

NN.by

10
Мордехай В. / Адказаць
09.11.2019 / 17:40
Двойчы прыгажун (пераклад з арабскай).

ЗЫ Гасцям гэта таксама не зразумела, чаму на любым немяцкім вакзале, у любым грэчаскім ці іспанскім аэрапорце можна набыць хіба папулярныя англамоўныя газеты, а ў пост-саўку - толькі руцкіе... Што ў Маскве, што ў Мінску. Але ж нам зразумела выдатна, чаму.
12
вусцішны троль / Адказаць
09.11.2019 / 17:42
Рэакцыя ўбогіх маскавітаў спрацавала на слова “клаака”, хаця пост быў зусім пра іншае! Малайчына Гасан, тыкнуў імперцаў носам у іх жа ўласнае імперскае лайно, якім яны так любяць раскідвацца ў суседніх краінах!
15
Хэльвіг / Адказаць
09.11.2019 / 18:30
На жаль, гэтае выказваньне сп. Г. Гусейнава актуальнае і для Менску і шырэй для ўсё Беларусі. Тут у шапіках таксама ўсе газэты і часопісы на ўбогай клаачнай расейскай мове. Быццам бы ў сьвеце няма беларускай і іншых моваў. У наяўнасьці гібрыдная акупацыя адсталай імпэрыяй, у чым і палягаеі"дасягеньне" нашага "хакеіста" за 25 год кіраваньня. Ад гібрыднай акупацыі да сапраўднай адзін крок, бо мэнтальна народ ужо падрыхтаваны прыняць чужую тоеснасьць.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру