11.11.2019 / 15:00

У ваўкавыскай калоніі сёння адбыўся пажар 1

Раніцай 11 лістапада ваўкавыскім ратавальнікам паведамілі пра пажар на тэрыторыі папраўчай калоніі па вуліцы Ракасоўскага. Да месца здарэння адразу ж адправілася тэхніка МНС, паведамляе прэс-служба ведамства.

Яшчэ да прыбыцця падраздзяленняў з небяспечнай зоны былі выратаваныя два мужчыны. Першы атрымаў апёкі твару і рук, другі атруціўся прадуктамі гарэння. Пад сталом на падлозе знайшлі трэцяга і вынеслі на свежае паветра. Усе яны адбываюць пакаранне ў папраўчай калоніі. 

Пацярпелых даставілі ў раённую бальніцу. 

Ратавальнікам удалося не дапусціць выхад полымя на дах.

Мяркуецца, што прычынай пажару стала неасцярожнае абыходжанне з агнём.

NN.by

0
mikola ramanau / Адказаць
11.11.2019 / 19:38
Padpaliu nehta........
Каб пакінуць каментар, калі ласка, актывуйце JavaScript у наладах свайго браўзеру