11.11.2019 / 18:45

Зяленскі хоча правесці рэферэндум, каб замежнікі маглі набываць зямлю ва Украіне 9

Прэзідэнт Украіны Уладзімір Зяленскі заклікаў правесці ўсеўкраінскі рэферэндум па пытанні аб магчымасці куплі-продажу зямлі замежнікамі і замежнымі кампаніямі, перадае «Украінская праўда». 

У звароце, з якім ён выступіў у панядзелак, Зяленскі выказаўся ў падтрымку ўнесенага ў Вярхоўную раду законапраекта аб куплі-продажы зямлі. Ён заявіў, што цяпер, калі свабоднага рынку зямлі ва Украіне няма, грамадзяне краіны пазбаўлены права купляць зямлю, падобна грамадзянам Паўночнай Карэі, Таджыкістана і Венесуэлы. Па словах Зяленскага, супраць законапраекта выступаюць «старыя палітыкі». Пры гэтым прэзідэнт заявіў, што ў праект будуць унесены папраўкі і права валодаць, купляць і прадаваць зямлю будзе дадзена толькі грамадзянам Украіны. Замежнікі ж змогуць атрымаць яго толькі па выніках рэферэндуму.

Зяленскі таксама паабяцаў прыняць і закон аб рэферэндуме.

Уладзімір Зяленскі і яго партыя «Слуга народа» ішлі на выбары з абяцаннямі свабоднай куплі-продажу зямлі, а таксама пашырэння элементаў прамой дэмакратыі.

Вярхоўная Рада плануе разгледзець праект закона аб куплі-продажы зямлі ў аўторак, 12 лістапада.

Ва Украіне дзейнічае забарона на продаж зямель сельскагаспадарчага прызначэння. Яе прапануюць адмяніць. Землі дзяржаўнай і камунальнай уласнасці будуць рэалізоўвацца на таргах.

NN.by

2
Jan / Адказаць
11.11.2019 / 19:07
А ў нас без рэферэндуму нават. Ціхенька, каб не заўважылі.
9
mikola ramanau / Адказаць
11.11.2019 / 19:50
Dobra prydumau !
9
Serg / Адказаць
11.11.2019 / 19:57
Продажа земли иностранцам - это преступление против страны и народа! Референдум можно подтасовать. Поднимать этот вопрос может только изменник Родины!
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру