Здарэнне адбылося ў Крычаўскім раёне ў в. Свадкавічы 5 лістапада, піша СК.
Кампанія маладых людзей ў адным з дамоў піла. Уначы 18-гадовы хлопец прачнуўся ад вострага болю і выявіў, што яго 20-гадовы знаёмы ў стане алкагольнага ап'янення адкусіў яму частку правага вуха. Дзяўчына, якая знаходзілася ў кампаніі, аказала пацярпеламу першую дапамогу, а гаспадар дома выклікаў міліцыю.
Але прышыць частку вуха дактары не змаглі, бо маладыя людзі па дарозе ў бальніцу яе згубілі.
Па выніках судова-медыцынскай экспертызы нанесеныя маладому чалавеку цялесныя пашкоджанні з'яўляюцца цяжкімі па прыкмеце абязвечвання твару. Таксама на твары пацярпелага выяўлены раны і сінякі, укушаныя раны на пальцы рукі.
Крычаўскім раённым аддзелам у дачыненні да падазраванага распачата крымінальная справа па ч.1 арт.147 (прычыненне цяжкага цялеснага пашкоджання). У ходзе допыту патлумачыць прычыну сваіх паводзін ён не змог, спасылаючыся на моцнае алкагольнае ап'яненне
