12.11.2019 / 15:36

Лукашэнка адказаў на пытанне пра магчымасць адмены смяротнай кары дапоўнена 31

Аляксандр Лукашэнка сёння на сустрэчы з журналістамі ў Вене адказаў на пытанне аб магчымасці адмены ў Беларусі смяротнага пакарання, перадае БелТА.

«Адказваючы прама на ваша пытанне: рэферэндум вырашыў гэту праблему. Толькі рэферэндум можа яго адмяніць. Мы ў гэтым напрамку рухаемся», — сказаў кіраўнік дзяржавы.

Аляксандр Лукашэнка канстатаваў, што ЕС ад Беларусі патрабуе ўжо адмены смяротнага пакарання.

«І, вядома, мы да гэтага абыякава ставіцца не можам, калі ўжо зусім шчыра. І вельмі часта праводзім апытанні наконт адмены смяротнага пакарання. Нічога з таго часу, як пытанне было вырашана на рэферэндуме, не змянілася. Ці варта гэта пытанне сёння выносіць на рэферэндум, каб атрымаць адмоўны адказ. Думаю, не варта. Таму мы дамовіліся некалі з палітыкамі ў Бруселі ў гэтым напрамку працаваць разам. І выпрацавалі нейкі план, дарожную карту па рабоце з беларускім грамадствам. Мы ў гэтым напрамку рухаемся. Спешка тут можа толькі нашкодзіць», — адзначыў беларускі лідар.

Кіраўнік дзяржавы задаў рытарычнае пытанне ўзняўшай гэту тэму аўстрыйскай журналістцы, якое меркаванне грамадзян гэтай краіны наконт смяротнага пакарання.

«Не ведаеце… У гэтым і сутнасць вашай дэмакратыі, з аднаго боку, — заўважыў ён. — Каб вось так патрабаваць ад некага, разважаць на гэту тэму, трэба ведаць, што ў цябе думае грамадства па гэтым пытанні». Аляксандр Лукашэнка таксама прывёў прыклад, што Аўстрыя падтрымлівае добрыя адносіны з ЗША, Кітаем.

«Пры сустрэчах з імі вы ім задавалі аналагічнае пытанне? Думаю, не. Няхай гэта будзе таксама рытарычным пытаннем», — заўважыў кіраўнік дзяржавы.

«Што датычыцца Савета Еўропы і нашага членства: прымеце — дзякуй, не — пацерпім», — сказаў Аляксандр Лукашэнка.

71
шлёма / Адказаць
12.11.2019 / 16:09
Правильно он сказал. За смертную казнь проголосовали на референдуме. Значит другой референдум может ее отменить. Кто за отмену смертной казни, собирайте 430тыс. подписей в течение двух месяцев за референдум по этому вопросу и проводите референдум. Если референдум отменит смертную казнь, будет отменена, если нет - будет сохранена.
18
Літовец / Адказаць
12.11.2019 / 16:18
Если отменить смертную казнь то как казнить неугодных?
И вообще зря что ли они в 1996 референдум фальсифицировали?
Нельзя отменять, лучше жить в болоте.
10
0101 / Адказаць
12.11.2019 / 16:25
Можа лепш Сашу адмяніць?
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру