12.11.2019 / 17:55

У Гомелі падпалілі аўтамабіль: уласніца машыны падазрае былога мужа 1

12 лістапада каля 12.40 у Савецкі РАУС Гомеля відавочца паведаміў аб тым, што невядомы разбіў шыбу ў легкавым аўтамабілі, які стаіць каля шматпавярховага дома па праспекце Рэчыцкі, а затым падпаліў яго, перадае прэс-сакратар МУС Вольга Чамаданава. 

На месца здарэння выбылі супрацоўнікі міліцыі і МНС, якія ліквідавалі пажар.

Высветлілася, што падпаленае аўто належыць гамяльчанцы, 1978 года нараджэння. Яна распавяла, што да падпалу машыны можа быць датычны яе былы муж.

У ходзе аператыўна-вышуковых мерапрыемстваў следчыя знайшлі мужчыну. Беспрацоўны гамяльчанін 1976 года нараджэння дастаўлены ў Савецкі РАУС абласнога цэнтра. Мяркуючы па яго вопратцы, ён сам ледзь не пацярпеў ад пажару.

NN.by

1
Матёрый / Адказаць
12.11.2019 / 19:10
Страховка всё покроит. Если нет, зачем страховые компании нужны?! Что бы в рамках закона вытаскивать у мирного населения деньги?!
Каб пакінуць каментар, калі ласка, актывуйце JavaScript у наладах свайго браўзеру