Фота Алены Ляшкевіч.
Падчас апытання міліцыя вызначыла, што «Кузьміч не агаляў палавыя органы і не дэманстраваў прысутным, рэжым працы і правядзення выставы, а таксама грамадскі парадак Кузьміч не парушыў».
Разам з тым у адказе напісана, што ў дзеяннях мастака можна ўгледзець дробнае хуліганства і парушэнне Адміністратыўнага кодэкса (а НЦСМ прасіў прыцягнуць да адказнасці за хуліганства па Крымінальным кодэксе).
Аляксей кажа, што не чакаў такой развязкі. Але думае, што па загадзе міністэрства Цэнтр мастацтваў яшчэ можа абскардзіць рашэнне міліцыі і дамагчыся, каб яму выпісалі штраф.
«У мяне ёсць прапановы ад адвакатаў, якія гатовы дапамагаць, так што не думаю, што ў іх атрымаецца мяне пакараць. Нават ад агенцтва па абароне дзелавой рэпутацыі паступала прапанова аб дапамозе. І ўсё гэта бясплатна», — пракаментаваў мастак.
