13.11.2019 / 14:58

Макей распавёў, у чым праблема Беларусі і якая яго мара 19

Фота Надзеі Бужан

Міністр замежных спраў Беларусі Уладзімір Макей даў інтэрв'ю найбуйнейшай штодзённай газеце Германіі «Süddeutsche Zeitung». Вытрымкі з яго прыводзіць сайт замежнапалітычнага ведамства.

У інтэрв'ю міністр закрануў сітуацыю, у якой знаходзіцца Беларусь паміж двума буйнымі геапалітычнымі гульцамі: на ўсходзе — Расія, на захадзе — ЕС.

«Мы знаходзімся ў далікатнай, вельмі адчувальнай сітуацыі. Добра, што мы можам гандляваць ва ўсіх напрамках. У той жа час мы знаходзімся на лініі паміж двума асноўнымі геапалітычнымі гульцамі. І супрацьстаянне, у якім яны закранаюць нас і нашых суседзяў. У першую чаргу гэта тычыцца санкцый і санкцый у адказ паміж Расіяй і краінамі Захаду, ад якіх мы, як адкрытая, экспартна арыентаваная краіна, моцна церпім», — мяркуе У. Макей.

На яго думку, Беларусь хацела б падтрымліваць збалансаваныя адносіны з усімі. Мы разглядаем Расію як свайго галоўнага саюзніка, як нашага натуральнага суседа, нават старэйшага брата, кажа міністр. «Калі мы кажам пра мінулае, я маю на ўвазе былы Савецкі Саюз, мы можам сказаць, што мы, славянскія народы, брацкія народы. (…) Але гэта не значыць, што мы павінны глядзець толькі на Расію», — дадаў ён, адзначыўшы, што Беларусь хацела б разнастаіць нашы адносіны і разгледзець Еўрасаюз як другога па значнасці эканамічнага партнёра.

Што да Украіны, то, на думку міністра, сітуацыя там для Беларусі з'яўляецца негатыўным прыкладам.

«У гэтым, на мой погляд, ёсць і віна ЕС, які ў мінулым спрабаваў далучыць Украіну як мага хутчэй. Я разумею жаданне Украіны быць бліжэй да Еўропы. Але мы не хочам дзейнічаць па іх логіцы», — падкрэсліў кіраўнік МЗС.

«Мы хочам быць краінай, якая садзейнічае стабільнасці, а не турбулентнасці»,— заявіў Уладзімір Макей. На пытанне пра запаветнае жаданне Макей адказаў: «Каб Беларусь стала Швейцарыяй Усходняй Еўропы. Мабыць, і ўсё».

NN.by

2
Таки вот / Адказаць
13.11.2019 / 15:22
«Каб Беларусь стала Швейцарыяй Усходняй Еўропы. Мабыць, і ўсё».

Для этого надо иметь либеральную свободную экономику с приматом частной собственности на средства производства, а не советские колхозы и "обо....ные коровы". В общем мечтать не вредно.

https://nn.by/?c=ar&i=240952
3
Jorg / Адказаць
13.11.2019 / 15:27

Уся гетая "геапалітыка", накіравана толькі натое, каб адна срака ўсядзела на дзьвух стуллях. Усе астатняе толькі словы лакея, якія народам прыкрываюць гэтую сраку.   

3
bugaga / Адказаць
13.11.2019 / 15:40
як вы задзяўблі са сваімі старэйшымі братамі й славянамі. Чэхі, палякі таксама славяны й што? Калі ў міністра некія старэйшыя браты ў мазгах, то пра які сувэрэнітэт можна казаць??

Я беларус і ў мяне няма ніякіх старэйшых братоў, роўны сярод роўных, кропка!
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру