Раніцай 13 лістапада ў Маладзечанскі РАУС паступіла тэлефоннае паведамленне — жанчына расказала пра знікненне з яе банкаўскай карты каля $ 20 тыс. і 13,5 тысяч еўра, паведамляе прэс-служба МУС.
Аператыўнікі аддзела па раскрыцці злачынстваў у сферы высокіх тэхналогій УУС Міншчыны высветлілі, што напярэдадні ў адным з месенджараў з пацярпелай звязваўся мужчына.
Незнаёмы нібыта хацеў набыць тэлевізар, які жанчына прадавала праз інтэрнет. Для ўнясення перадаплаты ён папрасіў перадаць рэквізіты яе банкаўскай карты. Аднак, паводле яго слоў, транзакцыя не прайшла, у сувязі з чым жанчыне было прапанавана прайсці па спасылцы на сайт банка для правядзення аперацыі ў асабістым кабінеце.
Сайт апынуўся фішынгавым. Уведзенымі лагінам і паролем завалодаў невядомы, які пазней скраў з рахунку пацярпелай грошы. Адпаведна перадаплаты яна таксама не атрымала.