14.11.2019 / 18:53

«Магла перагнуць палку», — дырэктар магілёўскага каледжа пра заклік куратаркі прагаласаваць датэрмінова 12

Будынак мэдычнага каледжа ў Магілёве.

Дырэктар Магілёўскага дзяржаўнага мэдычнага каледжа паабяцаў «разабрацца» з куратаркай, якая «прасіла» навучэнцаў прагаласаваць датэрмінова. Па ягоных словах, яна «магла перагнуць палку» і «зь ёю будзе праведзеная тлумачальная работа», піша Радыё Свабода.

Паведамленьне пра прымус галасаваць датэрмінова даслалі Свабодзе навучэнцы каледжу. У ім яны працытавалі куратарку: «Усе, каму ёсьць 18 гадоў, ідуць галасаваць на выбары датэрмінова ў абавязковым парадку, калі хтосьці ня прыйдзе, будуць праблемы ў яго і ў куратара». Навучэнцы дадалі, што ўсіх, хто пражывае ў інтэрнаце, ужо «загналі галасаваць».

У пацьверджаньне сваіх слоў яны разам з допісам даслалі скрын паведамленьня куратаркі з суполкі «Ўкантакце». Там яна просіць навучэнцаў прагаласаваць датэрмінова, каб у яе не было праблемаў на выходных.

Дырэктар навучальнай установы Ўладзімер Рыжкоў заявіў, што інфармацыя пра прымушэньне навучэнцаў галасаваць датэрмінова непраўдзівая. Ён настойвае: нікога не прымушаюць, усе ідуць галасаваць па жаданьні.

«Вядома ж, інфармацыя пра выбары, аб парадку галасаваньня, аб мэтах, задачах і наагул сыстэме дзяржаўнага кіраваньня павінна даводзіцца навучэнцам — гэта адназначна, — кажа кіраўнік навучальнай установы. — Куратар тут магла перагнуць палку ў нейкай ступені. Будзем праводзіць тлумачальную работу».

У гутарцы з карэспандэнтам Свабоды навучэнцы каля самага каледжу казалі, што ім «раілі і прапаноўвалі прагаласаваць датэрмінова» і «яны не маглі дазволіць сабе не паслухацца».

«Ня ведаю, што было б, каб я не пайшла галасаваць, — адказвае адна зь іх, — але, схадзіўшы, магу вучыцца спакойна далей і ня думаць пра кепскае».

0
гоблін / Адказаць
14.11.2019 / 19:08
«яны не маглі дазволіць сабе не паслухацца»
«Ня ведаю, што было б, каб я не пайшла галасаваць, — адказвае адна зь іх, — але, схадзіўшы, магу вучыцца спакойна далей і ня думаць пра кепскае»
https://nn.by/?c=ar&i=241038

рабы, тьфу (с отвращением)




0
Матёрый / Адказаць
14.11.2019 / 19:10
Разъяснительная беседа. Это как?! Вызовут на ковёр. Смотри не болуй. Теперь пошли чаи гонять.
1
счётчик Гейгера / Адказаць
14.11.2019 / 19:46
аявіў, што інфармацыя пра прымушэньне навучэнцаў галасаваць датэрмінова непраўдзівая.
https://nn.by/?c=ar&i=241038

Как настойчиво "загоняют" на досрочное голосование... А всё с одной целью: в пятницу вечером или в субботу заменить бюллетени в урне для досрочного голосования в пользу таких как Маша....
И что важно: в пяиницу под вечер или субботу объезд участков будет делать местный начальник-милиционер и вызывать своего подначаленного " на перекур" , а урны....
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру