15.11.2019 / 11:58

«Востраў чысціні» часткова памяняў назву 1

ostrov-chistoty.by

Сетка магазінаў «Востраў чысціні» з нядаўняга часу пашырыла свой асартымент прадуктамі харчавання і алкагольнай прадукцыяй. Гэта заахвоціла гаспадароў drogery-рытэйлера змяніць назву на «Востраў чысціні і смаку», піша Tut.by.

Рытэйлер уваходзіць у холдынг «Ромакс», які ўключае вытворцу бытавой хіміі, парфумерна-касметычнай прадукцыі, туалетнай паперы, сурвэтак і імпарцёра аналагічнай замежнай прадукцыі. Кампанію кантралюе сям'я Віктара Рамука.

Сетка «Востраў чысціні і смаку» ужо налічвае больш за 550 крам. Рытэйлер аб'ядноўвае 5,2 тыс. супрацоўнікаў.

З нядаўніх часоў, акрамя тавараў бытавой хіміі, касметыкі і парфумерыі, сродкаў гігіены і гаспадарчых тавараў, на паліцах крам сталі з'яўляцца прадукты харчавання (дзіцячае харчаванне, сокі, чай, кава, кандытарскія вырабы, кетчупы) і спіртныя напоі.

NN.by

1
Святлана / Адказаць
15.11.2019 / 19:19
Спіртныя напоі абавязкова! Без іх аніяк!
Каб пакінуць каментар, калі ласка, актывуйце JavaScript у наладах свайго браўзеру