15.11.2019 / 13:17

Першакурсніца, якая апублікавала відэа пра загон на галасаванне: «Аднагрупнікі пачалі мяне цкаваць» 59

У пятніцу 15 лістапада ля галоўнага корпуса БДЭУ адбылася акцыя супраць прымушэння да датэрміновага галасавання студэнтаў, піша Радыё Свабода.

Агітацыйны пікет пачаўся ў 11 гадзін і доўжыўся каля 30 хвілін. Акцыя прайшла ў межах пікета кандыдата ў дэпутаты Міхася Варанцова. Акрамя яго ўдзельнічалі яшчэ каля сямі чалавек, у тым ліку студэнты БДЭУ. Усе яны зьяўляюцца актывістамі «Моладзевага блёку».

«Мы тут робім агітацыйны мітынг, — кажа кандыдат. — У тым ліку супраць загону студэнтаў на датэрміновае галасаваньне. Ужо каля 20% усіх выбарнікаў прагаласавала датэрмінова. У тым ліку студэнтаў. Сюды мы прыйшлі таму, што ў інтэрнэт трапіла відэа з загонам студэнтаў. Хочам падтрымаць дзяўчыну, якая выклала ролік».

Варанцоў гаворыць пра відэа, апублікаванае на сайце Свабоды ў сераду 13 лістапада. На ім бачна, як адна з выкладчыц ўнівэрсытэту настойліва пераконвае студэнтаў прагаласаваць менавіта датэрмінова. А таксама паведамляе, што калі студэнты гэтага не зробяць, то ў выкладчыцы могуць быць непрыемнасьці.

Ролік зьняла на свой мабільны тэлефон і даслала ў тэлеграм-канал Свабоды першакурсьніца Аліна Шмігель.

Яна таксама прыйшла на пікет і расказала, навошта здымала відэа.

«Наша куратарка паклікала нас на куратарскую гадзіну, — расказвае Аліна. — Калі я пачула, што яна кліча 18-гадовых дзяўчынак, то зразумела, што яна зьбіраецца нам расказваць і вырашыла здымаць відэа. Пасьля чаго даслала відэа вам.

Вы выклалі ролік, дазваніліся да куратаркі, да дырэктара інстытута. Навошта я гэта зрабіла, вырашыла апублікаваць відэа? Я хацела паказаць, што выкладчыца насамрэч не вінаватая, не яна гэта прыдумала. Яна нам сказала — зрабіце гэта (прагаласуйце датэрмінова — РС), каб мяне потым не дзёргалі. Хто яе павінен дзёргаць, каму гэта трэба?

Калі вы дазваніліся да Лапцёнка (дырэктар інстытуту Аляксандар Лапцёнак — РС), ён сказаў, што ніякіх распараджэньняў не было. Чаму так адбываецца, чаму ніхто не кантралюе такія рэчы? Гэта жахліва, што такія рэчы адбываюцца ў дзяржаве. Ціснуць не толькі на студэнтаў, на выкладчыкаў таксама ціснуць зьверху».

Нягледзячы на тое, што СМІ не называлі імені аўтаркі відэа, Аліну «вылічылі» амаль адразу. 

«Аднагрупнікі называюць мяне зараз «пацуком», — кажа яна. — Які я пацук? Я ж выканала свой грамадзянскі абавязак у адрозьненьне ад іх. Абазьліліся на мяне. Кажуць, што калі ў іх праз мяне ўзьнікнуць праблемы, то праблемы будуць і ў мяне. Кажуць, што я падставіла чалавека. Я згодная, што гэта добры выкладчык, яна шмат для групы робіць. На яе проста ціснуць, і гэта жахліва. Я толькі гэта хацела сказаць. Я абураная тым, што так адбываецца. Не хачу, каб некага звальнялі з унівэрсытэту цяпер. Справа не ў выкладчыках, справа ў сыстэме».

Размоваў з прадстаўнікамі адміністрацыі ў Аліны пакуль не было. Затое дзяўчыну падтрымаў бацька. «Нават паціснуў мне руку», — кажа яна.

5
самый Серый / Адказаць
15.11.2019 / 13:26
вось ўвогуле не разумею гэтых цетак. ну вымусілі цябе заахвоціць студэнтаў, ну збяры ты іх у аўдыторыі, ды замест таго каб прымушаць ісці галасаваць, раскажы ты лепей ім пра правілы паводзінаў на дарозе. ці крыху больш дай матэрыялу па свей спецыяльнасці. што перашкаджае так зрабіць?
92
Гражданин России / Адказаць
15.11.2019 / 13:27
А потом меня спрашивают, почему я отказался от белорусского гражданства. Быть в одном гражданстве вместе с этим преподавателем и "однокурсниками", затравившими несчастную девочку, всё равно, что спать в навозе. 
4
Ladzimir / Адказаць
15.11.2019 / 13:33
Dziaŭčynka! 
Nie zvažaj nijakaj uvahi na plavuzhańnie tak zvanych adnahrupnikaŭ. Ja tak dumaju što nia ŭsie tvaje adnahrupniki zkujuć na ciabie. Heta tolki maleńkaja kučka šałupońi, šasciorak, jakim usio svajo žyćcio prydziecca šeściaryć na  kaho- niebudź. Ich pa žycci nichto nie budzie ličyć za ludziej- ŚAŁUPOŃ zaŭsiody zastaniecca ŠAŁUPOŃNIU!
Паказаць усе каментары/ 59 /
Каб пакінуць каментар, калі ласка, актывуйце JavaScript у наладах свайго браўзеру