15.11.2019 / 14:49

Круче, чем у братьев Гримм: выходит сборник белорусских волшебных сказок 5

На «Вулеі» ідзе краўдфандынгавая кампанія для выпуску незвычайнага зборніка: «Вядзьмар, які рабіўся ваўком» — гэта трыццаць беларускіх казак з класічных збораў этнографаў XIX—XX стагоддзяў Паўла Шэйна, Еўдакіма Раманава, Міхала Федароўскага і Уладзіслава Вярыгі.

Для гэтага выдання іх адабраў і апрацаваў па-новаму Антон Францішак Брыль. Непаўторныя ілюстрацыі да кнігі зрабіў знакаміты мастак Валерый Славук.

«Падбіраючы і рыхтуючы казкі для гэтай кнігі, я ставіў перад сабою разам тры мэты.

Па-першае, я імкнуўся паказаць чытачам стыль і жывы голас беларускай казкі. Згладжваючы няроўныя ці цяжка зразумелыя месцы ў запісах, я стараўся не прыводзіць іх усё ж да стэрыльнай літаратурнасці, не заглушаць цалкам голас расказчыка — а саміх расказчыкаў, дзе яны вядомыя, называць па імёнах.

Па-другое, я хацеў падзяліцца тым, што падабаецца ў беларускіх казках мне самому. Чытаючы ўпершыню кожную з гэтых трыццаці, я хоць раз сказаў «Ух!» — ці з такой, ці з сякой прычыны. Можа, і вы скажаце.

Па-трэцяе — як аматар казак ўсіх народаў свету — я з асабліваю прыемнасцю ўключаў у зборнік казкі, якія даюць адметнае мясцовае прачытанне якога-небудзь вельмі пашыранага матыву: пра час, які бяжыць на тым свеце хутчэй, чым на гэтым; пра жытло нячысцікаў, якое папраўдзе выглядае зусім не так, як здаецца выпадковаму госцю; пра чарадзейнага дапаможцу, пакрыўджанага бяздумным учынкам», — дзеліцца ўкладальнік зборніка Антон Францішак Брыль. 

У кніжку ўвойдуць 30 казак з 50 каляровымі ілюстрацыямі, агулам выйдзе 80 старонак у цвёрдай вокладцы. Хочаце атрымаць кнігу — далучайцеся да кампаніі

NN.by

3
Железный Дровосек / Ответить
15.11.2019 / 13:53
Очень круто!!!
2
Мікола / Ответить
15.11.2019 / 14:12
Файна! Дзеля толькі малюнкаў Славука варта набыць.
3
HENRIK KWINTA / Ответить
15.11.2019 / 19:44
Там напэуна сабраны усе выступлення т.Лукашэнка.
Показать все комментарии/ 5 /
Чтобы оставить комментарий, пожалуйста, активируйте JavaScript в настройках своего браузера