15.11.2019 / 13:52

Рэкорд самага доўгага ў гісторыі беспасадачнага авіярэйсу зноў пабілі

flightaware.com

Самалёт аўстралійскай авіякампаніі Qantas Airlines здзейсніў самы доўгі ў гісторыі беспасадачны пералёт. Пра гэта авіяперавозчык паведаміў на сваім афіцыйным сайце.

Лайнер Boeing 787-9 Dreamliner вылецеў з Лондана ў Сіднэй і прабыў у паветры 19 гадзін 19 хвілін. За гэты час 50 пасажыраў на борце ўбачылі два ўсходы сонца — у Еўропе і Азіі.

Калі даследаванні пакажуць, што гэта выгадна і рацыянальна, то кампанія запусціць такія авіялайнеры з пасажырамі ў 2023 годзе. Два з задуманых рэйсаў кампанія ўжо здзейсніла, трэці плануецца ў снежні.

У кастрычніку Qantas ўстанавіла рэкорд па беспасадачным авіярэйсе з Нью-Ёрка ў Сіднэй. Лайнер прабыў у паветры на 5 хвілін менш — 19 гадзін 14 хвілін. Ён пераадолеў 16 тысяч 309 кіламетраў.

З Нью-Ёрка ў Сідней: самы доўгі ў гісторыі авіярэйс працягваўся 19 гадзін 14 хвілін

NN.by

Каб пакінуць каментар, калі ласка, актывуйце JavaScript у наладах свайго браўзеру