15.11.2019 / 14:09

«У мяне таксама абвастрылася хвароба». Назіральніка, які зняў на відэа спробу ўкіду бюлетэняў, наведалі назіральнікі АБСЕ 11

Фота Уладзя Грыдзіна

«Я расказаў назіральнікам АБСЕ, як ідзе галасаванне. Сказаў, што таксама вельмі перажываю і кепска сплю», — кажа Юры Вашчанчук, які працягвае назіранне на ўчастку, дзе зняў на відэа дзяўчыну, якая нібыта спрабуе ўкінуць стос бюлетэняў у скрыню, піша Радыё Свабода

Кіраўніца ЦВК Лідзія Ярмошына 14 лістапада назвала дзеянні Юрыя Вашчанчука недапушчальнымі і заявіла, што яго трэба пазбавіць акрэдытацыі.

Таццяна Мосіна, старшыня камісіі і дырэктарка дзіцячага садка, дзе працуе гераіня відэа Анастасія Кулічкова, заяўляе, што дзяўчына не вінаватая — маўляў, «чалавек вінаваты, калі яго злавілі за руку». Яна паведаміла, што дзяўчына моцна перажывала і не выйшла на працу на наступны дзень.

Юрый Вашчанчук кажа, што назіральнікі АБСЕ пыталіся ў яго пра ўмовы працы і як ён пачуваецца. Ён сказаў, што ад перажыванняў у яго абвастрылася хвароба.

«Я перажываю за тое, што адбываецца, кепска пачуваюся, кепска сплю», — кажа Юры.

Аўтар рэзананснага відэа назірае ад кампаніі «Права выбару» на ўчастку № 37 Брэсцкай-Усходняй акругі № 3. Ён ужо мае папярэджанне ад участковай камісіі, якое атрымаў 14 лістапада.

У той жа час пасля ягонай скаргі на разыходжаньне вынікаў назіраньня з пратаколам выбарчай камісіі пратакол за 13 лістапада выправілі. У першай версіі было пазначана 65 чалавек, у выпраўленай — 34 выбарнікі. Гэта адпавядае вынікам назірання Вашчанчука.

«У яе нервовы зрыў». Дзяўчына са стосам бюлетэняў з Брэста не выйшла на працу

Ярмошына пра ўкід бюлетэняў у Брэсце: Назіральніка трэба пазбавіць акрэдытацыі

Назіральнік, які зняў на відэа ўкід бюлетэняў у Брэсце, расказаў усе падрабязнасці гісторыі 

NN.by

0
Мікола / Адказаць
15.11.2019 / 14:15
на шчасце, з развіццём інтэрнэта і смартфонаў, век дыназаўраў лукашэнкі і ярмошынай сыходзіць...

чым далей -- тым больш камічна будзе выглядаць сакрэт полішэнэля "беларускіх выбараў" (с)

плюс дзякуй актыўнай моладзі, якая не мае віруса саўковага страху
0
меркаванне / Адказаць
15.11.2019 / 14:23
Дык каго пакаралі за ўнясенне яўкі лішніх 31 чалавек?
0
циник / Адказаць
15.11.2019 / 14:36
У той жа час пасля ягонай скаргі на разыходжаньне вынікаў назіраньня з пратаколам выбарчай камісіі пратакол за 13 лістапада выправілі. У першай версіі было пазначана 65 чалавек, у выпраўленай — 34 выбарнікі. 

прокуратура думает заводить уголовное дело за фальсификации? 
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру