15.11.2019 / 17:18

У Гомелі праходзіць пікет з удзелам блогераў і кандыдатаў у дэпутаты 5

Блогер Сяргей Ціханоўскі і актывістка кампаніі «Маці 328» Тацяна Канеўская падчас пікету.

У Гомлі на вуліцы Хатаевіча, што ў 10 хвілінах ад цэнтру гораду, пасьля 16-й гадзіны распачаўся пікет з удзелам дзевяці апазыцыйных кандыдатаў у дэпутаты, піша Радыё Свабода.

На замову арганізатараў пікета прыватная замоўленая фірма змантавала сцэну для выступаў, але ахоўнікі супермаркета «Эўраопт» заявілі, што пікет — узгоднены, а сцэна — не. Ды разабралі яе.

Па стане на 17 гадзін на пляцоўцы каля супэрмаркету сабраліся каля 200 чалавек. Каля крамы — каля 20 супрацоўнікаў міліцыі ў цывільным. Выступаюць кандыдаты ў дэпутаты, яны кажуць пра несправыядлівыя выбары і праблемы ў грамадзтве.

Кандыдат у дэпутаты фэрмэр Юры Ганцэвіч не даехаў да пікету — яго трактар затрымалі супрацоўнікі ДАІ і адагналі на штрафстаянку.

Блогер Сяргей Ціханоўскі заявіў, што на акцыю мусіў прыехаць блогер з Менску MozgOn, але, па словах Ціханоўскага, яго затрымалі.

Акцыю анансаваў у сваім YouTube-канале «Страна для жизни» блогер Сяргей Ціханоўскі. На пікет, анонс якога ў інтэрнэце меў больш за 40 тысяч праглядаў, прыйшло больш за 100 чалавек.

«У Беларусі няма сумленных выбараў, не зьмяняецца ўлада, няма незалежных судоў, няма свабоды сходаў; намі кіруюць людзі, якіх мы не выбіраем; прымаюцца законы, якія шкодзяць нашай краіне. Неўзабаве мы можам стаць часткай іншай дзяржавы, і нас пра гэта нават не спытаюць. Мы павінны ўзяць на сябе адказнасьць, калі мы хочам перамен», — казаў у запрашэньні на сустрэчу Сяргей Ціханоўскі.

Блогер падкрэсьліў, што акцыя цалкам узгодненая, законная і санкцыянаваная, бо на яе падалі заяўкі кандыдаты ў дэпутаты. Увечары 14 лістапада ён паведаміў пра спробу свайго затрыманьня.

Пікеты ля супэрмаркета «Эўраопт» замовілі шэраг кандыдатаў у дэпутаты — Тацяна Канеўская (рух «Маці 328»), незалежныя кандыдаты Юры Ганцэвіч і Алена Давыдава, сябра БНФ Васіль Раманаў і актывіст АГП Уладзімер Няпомняшчых ды іншыя.

9
шлёма / Адказаць
15.11.2019 / 17:58
Должны взять на себя ответственность, если мы хотим перемен ... И что делать-то? Конкретно озвучте!
0
Матёрый / Адказаць
15.11.2019 / 18:10
Всё прослушивают. Меньше болтать надо.
2
Матёрый / Адказаць
15.11.2019 / 18:23
Производите видеосьёмку сотрудников. Страна обязана знать своих защитников в лицо.

Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру