15.11.2019 / 22:37

Аднаго з камандзіраў «Ісламскай дзяржавы» затрымалі ва Украіне 4

Служба бяспекі Украіны паведаміла аб затрыманні камандзіра тэрарыстычнай арганізацыі «Ісламская дзяржава» Аль Бара Шышані. Як аказалася, з 2018 года ён жыў ва Украіне, затрымалі яго ў прыватным доме пад Кіевам.

Аль Бара Шышані — грамадзянін Грузіі Цэзар Тахасашвілі. З 2012 года ён быў амірам джамаата «Ахадун Ахат» у сірыйскай правінцыі Латакія. У 2013 годзе стаў намеснікам ваеннага эміра «Ісламскай дзяржавы» Абу Умара аш-Шышані.

Калі ў 2016 годзе аш-Шышані быў забіты, Аль Бара Шышані выехаў у Турцыю.

Цэзар Тахасашвілі, таксама вядомы на радзіме пад імем Леван, з'ехаў ваяваць у Сірыю яшчэ ў 2013 годзе. Спачатку ён знаходзіўся ў складзе ўзброенай апазіцыі, узначальваючы так званую чачэнскую брыгаду, але затым далучыўся да «Ісламскай дзяржавы», дзе пасаду «міністра вайны» займаў яго аднавясковец Тархан Бацірашвілі (Умар аш-Шышані). Дзякуючы дружбе з ім Цэзар Тахасашвілі здабыў вялікі ўплыў.

У 2018 годзе Аль Бара Шышані незаконна прыехаў ва Украіну з выкарыстаннем падробленага пашпарта і легалізаваўся ў краіне, каб каардынаваць тут дзейнасць спецыяльных ячэек Ісламскай дзяржавы.

NN.by

3
счётчик Гейгера / Адказаць
16.11.2019 / 00:17
По всему миру расползлась исламская радикальная "зараза"...Эту проблему можно решить только вместе всем странам, кроме исламских....
10
Юджын / Адказаць
16.11.2019 / 09:01
Ісламская дзяржава - праект Крамля. Гэты арышт, як і папярэдні захоп ЗША лідара ісламскай дзяржавы зроблены каб прынесці карысць Маскве. Напрыклад зараз робіцца такое - пасля навіны людзі стануць асацвяваць Украіну і Ісламскую дзяржаву, нібыта яны разам.
10
Пануры / Адказаць
16.11.2019 / 10:44
Мяркую, што зарас высвятлiцца што ен яшчэ удзельнiчау у АТА, ну i ператворыцца ен раптоуна  з камандзiрау IГIЛ у Воiна света.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру