15.11.2019 / 22:51

Стала вядома, калі Пуцін і Зяленскі ўпершыню сустрэнуцца 10

Сустрэча лідараў краін «нармандскай чацвёркі» (Украіны, Расіі, Германіі і Францыі) запланавана на 9 снежня 2019 года ў Парыжы.

Ініцыятыва аб даце зыходзіла ад Францыі, аднак канчатковае зацвярджэнне чакалася з боку Расіі.

Першапачаткова меркавалася, што саміт пройдзе ў канцы верасня — пачатку кастрычніка.

На маючым адбыцца саміце збіраюцца абмеркаваць некалькі блокаў пытанняў, у тым ліку такія супярэчлівыя як амністыя баевікоў і асаблівы статус Данбаса, паведамляе КоммерсантЪ.

Крыніца выдання расказала, што на парадку дня сустрэчы — асаблівы статус для асобных раёнаў Данецкай і Луганскай абласцей, развядзенне сіл і сродкаў на новых участках, зняцце «эканамічнай блакады» Данбаса, аднаўленне чыгуначных зносін з акупаванымі тэрыторыямі, абмен палоннымі і поўная амністыя баевікоў.

Па словах крыніцы, расійскі бок будзе настойваць на заканадаўчай забароне пераследу баевікоў незаконных узброеных фарміраванняў.

NN.by

3
меркаванне / Адказаць
15.11.2019 / 23:06
  Першапачаткова меркавалася, што саміт пройдзе ў канцы верасня — пачатку кастрычніка.

  Проста пуцін да сустрэчы з Зяленскім на пачатку кастрычніка не вывучыў свае "экспромты", штоб не выглядаць старым жлабом,як саша, на фоне сапраўднага востраслова.

https://nn.by/?c=ar&i=241116
4
Nokia / Адказаць
15.11.2019 / 23:21
Лухта. Назарбаеў спрабаваў у Лукашэнкі перахапіць ініцыятыву з перагаворкай у Казахстане і марна. Пуціну не патрэбна сустрэча. Ён кожны раз выстаўляе новыя патрабаванні. Развялі войскі ў некалькіх месцах. Зараз ад Зяленскага патрабуе развесці па ўсёй мяжы. Бачыць, што дзеля "міру" Зяленскі гатовы саступаць і круціць ім як хоча. Пуцін не для таго вайну распачаў, каб мірыцца. Ідзе да сваёй мэты. А ва Украіне вярхушка нават не ў стане зразумець логіку Пуціна.
1
спадар Раман / Адказаць
16.11.2019 / 00:09
забароне пераследу баявікоў... . яны могуць пачаць знікаць без вестак, ці гінуць у дтп, ці яшчэ як.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру