17.11.2019 / 21:12

На ўчастку ў Мінску бацьку кандыдата Кавальковай, яе даверанай асобе, стала дрэнна, яго павезлі на «хуткай» 4

На ўчастку № 409 у Мінску бацьку кандыдата Вольгі Кавальковай, яе даверанай асобе Аляксандру Кавалькову, стала дрэнна, яго павезлі на «хуткай» у шпіталь, піша Tut.by.

Фота: Алесь Пілецкі, Tut.by.

На ўчастку Аляксандр прысутнічаў у якасці назіральніка разам з прадстаўнікамі БХД Віталём Рымашэўскім і Дзянісам Садоўскім. Дрэнна мужчыну стала пасля скандалу са старшынёй камісіі — назіральнікі звярнулі ўвагу, што ўчастак пасля 20.00 не зачынены, на ім прысутнічаюць староннія: невядомы мужчына некалькі хвілін крычаў на назіральнікаў. Старшыня камісіі ў адказ пачала крычаць і патрабаваць спыніць здымку, якую раней дазволіла весці назіральнікам.

Відэа ў сябе на старонцы апублікаваў Віталь Рымашэўскі. Аляксандр Кавалькоў сядзеў моўчкі, а потым ціха сказаў, што ў яго пачынаецца сардэчны прыступ.

Назіральнікі, якія ведаюць, што раней у мужчыны было два інфаркты, адразу выклікалі яму «хуткую». Дактары агледзелі мужчыну і забралі ў бальніцу.

Сама Вольга Кавалькова цяпер назірае за падлікам галасоў на іншым участку. З бацькам яна пакуль што не размаўляла па тэлефоне.

— Я разам з Аляксандрам зараз еду ў «хуткай», яго вязуць у 5-ю клінічную бальніцу, у яго гіпертанічны крыз, — распавёў TUT.BY Дзяніс Садоўскі.

0
партисаниваноф / Адказаць
17.11.2019 / 21:51
Милиция! Кто этот человек?Что он тут делает? - Сами спросите! - А вы? - Я не могу - он старше меня по зчанию!!
0
Надзя / Адказаць
17.11.2019 / 22:27
Не удивили. Надо менять. 1 день выборы.
0
Надзя / Адказаць
17.11.2019 / 22:28
Дзякую
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру