Нацыянальны банк 18 лістапада выпускае ў абарачэнне памятныя манеты «Свет вачыма дзяцей. 2019»:
— срэбную — наміналам 20 рублёў, вагой 33,62 г, пробай сплаву 925, дыяметрам 38,61 мм, тыражом 599 штук;
— медна-нікелевую — наміналам 1 рубель, вагой 15,50 г, дыяметрам 33,00 мм, тыражом 2 000 штук.
На рэверсе: у цэнтры — кампазіцыя, якая аб'ядноўвае розныя стадыі паспявання і збору лёну: кветкі, плады і снапы; унізе — надпіс па крузе: СВЕТ ВАЧЫМА ДЗЯЦЕЙ.
У дызайне манеты выкарыстаны кампазіцыі з малюнкаў дзяцей узроставай катэгорыі ад 13 да 16 гадоў, якія сталі пераможцамі адкрытага конкурсу дзіцячага малюнка «Дзеці малююць манеты», праведзенага Нацыянальным банкам у рамках Дня адкрытых дзвярэй — 2014.
Манеты адчаканены на Казахстанскім манетным двары якасцю: срэбная — «пруф», медна-нікелевая — «пруф-лайк».
