18.11.2019 / 14:22

Дачка Бурыкіна ў шоку ад яго вызвалення: Ён рана ці позна прыедзе і заб'е мяне 17

На волю выйшаў святар-неанацыст Канстанцін Бурыкін. Ён адседзеў тры гады за незаконны абарот зброі.

Пры гэтым нядаўна яго старэйшая дачка Аляксандра расказала аб сэксуальным гвалце з боку бацькі і мачахі. 

Чытайце: «Расказала толькі маме, на яе магіле»: жудасная споведзь дачкі «бацюшкі са свастыкай» пра тое, што ён рабіў з ёй

Крымінальную справу распачалі, але абвінавачанне «бацюшку са свастыкай» пакуль так і не выставілі.

Што Аляксандра Бурыкіна думае пра выхад бацькі з калоніі? Пра гэта яна эмацыйна выказалася «Нашай Ніве».

«Я ў шоку! Гвалтаўнік на волі! Так агідна, у нас ні за што могуць пасадзіць і знайсці доказы, а тут… Я прайшла паліграф у Навінках, ён паказаў, што я не хлушу. А ён прайшоў паліграф? Адмовіўся! На вочнай стаўцы сказаў, што ў яго скача ціск і ёсць тахікардыя. І ён, маўляў, баіцца, што апарат прыме тахікардыю за доказ ягонай хлусні. Смешна! На вочнай стаўцы ён казаў мне, што гэта мяне падбухторылі, прасіў спагады, казаў, што «Бог усё бачыць». У мяне тады пачалася істэрыка: ты будзеш расказваць мне пра Бога?

Я не ведаю што цяпер рабіць. Нават з улікам, што яго дэпартуюць [Бурыкін — грамадзянін Расіі — «НН»], граніцы між Беларуссю і Расіяй няма. Ён рана ці позна прыедзе і заб'е мяне.

Я ў роздумах, што мне рабіць. Я ніколі ім, мачасе і бацьку, гэтага не дарую. Хоць гэта не па-боску, але я хачу, каб ён сканаў», — сказала Аляксандра. 

Яна не хоча, каб Канстанцін Бурыкін ведаў план яе далейшых дзеянняў, таму не агучвае яго.

NN.by

6
Павел Ас / Адказаць
18.11.2019 / 14:47
Толькі словы патрымкі і пажаданне мужнасці і моцы. Нажаль у нас дзяржава ад такіх не вар’ятаў фашыстаў не абараняе :(
9
belariy / Адказаць
18.11.2019 / 14:54
цікай, дзеўка, на захад. бо такі "бацюшка" сапраўды заб'е, а на гнілы захад за табой не паедзе, бо там жа ўсе бездухоўныя і геі. яму, ісьцінна праваслаўнаму чалавеку там будзе вельмі дрэнна, тахікардыя адпускаць не будзе.
6
Танчык / Адказаць
18.11.2019 / 15:02
Трэба звязацца з юрыстамі, праваабаронцамі - усе зрабіць, каб сябе абараніць. Заяўленне ў міліцыю, калі хоць толькі на шаг прыблізіцца.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру