Станіславас Ставіцкіс-Стана ў фэйсбуку распавёў, што ён і яго сын у ліфце сустрэлі прэзідэнта краіны Гітанаса Наўседу. Выканаўца быў здзіўлены, што Наўседа адпачываў у Друскінінкаі без шматлікіх ахоўнікаў, хадзіў па гатэлі ў халаце і ахвотна размаўляў з адпачывальнікамі, піша Delfi.lt.

Аб гэтай сустрэчы вядомы літоўскі выканаўца і прадзюсар распавёў на сваёй старонцы ў фэйсбуку. «Ён жыве ў ліфце? — спытаў Адомас пасля другой сустрэчы за дзень. Я адказаў: «Не». А прэзідэнт павітаўся, мы з ім пагаварылі, ён спытаў, як у нас справы: «Спакайней, чым у вас».

А ён пажартаваў, сказаўшы, што такая ўжо прафесія ў прэзідэнта.

Простая гасцініца-СПА ў Друскінінкаі. Выходныя. Ніхто нічога не закрывае, рух не спыняюць, ахова з сабакамі па калідорах не ходзіць. Прэзідэнт у халаце. З усімі вітаецца, размаўляе. Я чуў, як людзі здзіўляліся — «а быў бы іншы, паўгасцініцы зачынілі б, а тут — разам з усімі».

Хочаш падзяліцца важнай інфармацыяй ананімна і канфідэнцыйна?