19.11.2019 / 09:16

Румас назваў неабходную ўмову дынамічнага развіцця краіны 8

Фота Надзеі Бужан

Партнёрства дзяржавы і бізнэсу ў сферы інавацый з'яўляецца неабходнай умовай дынамічнага развіцця краіны. Аб гэтым заявіў прэм'ер-міністр Беларусі Сяргей Румас у панядзелак на адкрыцці Сусветнага тыдня прадпрымальніцтва, піша БелТА.

Кіраўнік урада адзначыў, што ў гэтым годзе ключавой тэмай форуму стане тэма інавацый. «Эфектыўнае партнёрства дзяржавы і бізнесу ў гэтай сферы - неабходная ўмова дынамічнага развіцця нашай краіны», - лічыць ён.

«Беларусь разам з іншымі краінамі ўступае ў постіндустрыяльную інфармацыйную эру. Сёння тавары і паслугі навукаёмістых вытворчасцей, перадавая тэхніка і тэхналогіі літаральна пранізваюць усе бакі жыццядзейнасці людзей. Лічбавізацыя стала фактарам канкурэнтаздольнасці практычна ва ўсіх галінах эканомікі і сферы дзяржаўнага кіравання», - адзначыў прэм'ер-міністр.

Ён дадаў, што ў Беларусі ёсць пэўныя дасягненні на гэтым шляху: дзяржава ўваходзіць у першую дзясятку краін свету па такіх паказчыках глабальнага інавацыйнага індэкса, як распрацоўка мабільных дадаткаў, вынаходкі і карысныя мадэлі, вышэйшая адукацыя, і ў першую дваццатку - па экспарце IT-паслуг.

«Ёсць паспяховы прыклад узаемадзеяння дзяржавы і бізнэсу - гэта Парк высокіх тэхналогій, - адзначыў Сяргей Румас. - За апошнія два гады ўклад ПВТ у валавы ўнутраны прадукт, у экспарт практычна падвоіўся».

Многае, паводле слоў прэм'ера, робіцца дзяржавай для развіцця партнёрскіх адносін з бізнэсам. «Мы выйшлі на новы ўзровень грамадскага абмеркавання рэгулятарных ініцыятыў дзяржаўных органаў кіравання, пачалася распрацоўка законапраекта аб самарэгулюемых арганізацыях, — адзначыў кіраўнік урада. - Гэты праект прадоўжыць курс на ліквідацыю залішніх адміністрацыйных бар'ераў у дзейнасці бізнэсу».

Шмат увагі ў Беларусі надаецца ўдасканаленню фінансавай падтрымкі прадпрымальніцтва. Урад ва ўзаемадзеянні з банкамі прапрацоўвае напрамкі па спрашчэнні доступу да фінансавых рэсурсаў, пашыраецца лінейка прадуктаў, што прапануюцца банкаўскай сістэмай для прадпрымальнікаў для пачатку і развіцця бізнесу. Гэтымі днямі быў падпісаны ўказ нумар 412 «Аб падтрымцы экспарту».

Урад актыўна падтрымлівае развіццё інавацыйнай дзейнасці. У 2020 годзе расходы бюджэту на гэтыя мэты будуць павялічаны на 16 працэнтаў.

«Мы стараемся рабіць усё, каб бізнэс адчуваў, што яго смелыя і інавацыйныя рашэнні дзяржавай падтрымліваюцца», - падкрэсліў прэм'ер.

NN.by

1
Nokia / Адказаць
19.11.2019 / 10:29
"мы стараемся рабіць усё, каб бізнэс адчуў ..." Бізнэс кожны дзень адчувае дзяржаву на сабе)) П.с. трэці падбародачак расце. Хутка твар Румаса ў экран смартфона не змесціцца. Трэба пасадзіць на дыету ў выглядзе заробка ў памеры прадытачнага мінімумам.
0
Літовец / Адказаць
19.11.2019 / 10:41
1. Змена ўлады
0
меркаванне / Адказаць
19.11.2019 / 11:19
Паўдзельнічаў у адстойнай гульне пад назвай "выбары", яшчэ і датэрмінова, а цяпер будзе заліваць пра смелыя інавацыі? Ну разве не ўмора? 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру