20.11.2019 / 17:23

Беларусцы забаранілі разгарнуць шалік з «Пагоняй» на нямецкім стадыёне. Каментар АБФФ 41

Інцыдэнт адбыўся 16 лістапада падчас матча Германія — Беларусь на стадыёне Borussia Park у нямецкім Мёнхенгладбаху.

Пра гэта ў сваім фэйсбуку напісала заўзятарка зборнай Беларусі Алеся Белановіч-Петц.

«У мінулую суботу, 16 лістапада, я знаходзілася на матчы Германія — Беларусь на стадыёне Borussia Park. Напрыканцы матча, на выхадзе з прыбіральні (блок 11), да мяне падбегла супрацоўніца аховы, разгарнула мой шалік і, паказаўшы на «Пагоню», заявіла, што на маім шаліку «забаронены сімвал». На маю просьбу растлумачыць, дзе і калі гэты сімвал стаў забароненым, я не атрымала адказу. Толькі разгублены паўтор: «Гэта забаронена».

«Я вярнулася на сваё месца на стадыёне, услед за мной рушылі супрацоўніцы стадыёна і выклікалі цэлы атрад сцюардаў на дапамогу. Там мяне зноў папрасілі зняць «забаронены сімвал». Здаць шалік я адмовілася, пасля чаго мне сталі пагражаць вывесці са стадыёна».

Заўзятарка адзначае, што пра падобныя здарэнні ёй расказвалі і яе сябры з гасцявога сектара. У адных забралі сцягі, іншых нават не пусцілі на стадыён.

Заўзятары мяркуюць, што такое магло адбыцца толькі па просьбе прадстаўнікоў афіцыйнай беларускай дэлегацыі. Падобныя прэцэдэнты здараліся раней. 

Яны сцвярджаюць, што падчас папярэдняй гульні ў Эстоніі мясцовыя сцюарды атрымалі інструкцыю і не пускалі людзей на стадыён з бел-чырвона-белымі сцягамі і «Пагоняй». Фанаты былі вымушаныя праносіць сімволіку пад адзеннем. 

«АБФФ не накіроўвала афіцыйных лістоў, якія тычацца сімволікі ні ў Нямецкі футбольны саюз, ні ў федэрацыю футбола Чарнагорыі», — запэўніваюць «Нашу Ніву» ў прэс-службе АБФФ.

У арганізацыі дадаюць, што звярталіся да арганізатараў матча ў Германіі толькі з просьбай узмацніць меры бяспекі на ўваходзе ў фанацкі сектар, каб заўзятары не пранеслі піратэхніку. Бо пасля гульні ў Эстоніі на федэрацыю наклалі санкцыі.

Наталля Тур 

8
belariy / Адказаць
20.11.2019 / 17:45
ну пры жаданьні вельмі лёгка выясьніць, адкуль ногі растуць.
ясны фіг, што супрацоўніца аховы не па свайму асабістаму жаданьню забараняла, бо яна нават не ведае, што азначае гэта "Пагоня" і што гэта за краіна Беларусь, таму ёй асабіста гэта "Пагоня" глыбока фіялетавая. але ў Нямеччыне, у адрозьненьне ад нас, законы працуюць. таму, калі падаць афіцыйную скаргу на кіраўніцтва стадыёна за падобныя дзеяньні, то там хуценька растлумачаць, чаму яны далі такі загад сваёй ахове. і я ўжо зараз здагадваюся, хто папрасіў кіраўніцтва стадыёна забараніць нашу беларускую сімволіку.
229
Максим / Адказаць
20.11.2019 / 17:47
Видимо одна белая полоска там лишняя. В следующий раз пусть возьмёт просто бело-красный.
10
Свободный / Адказаць
20.11.2019 / 17:51
Я вообще считаю что народу РБ плра носить сивол Погони на вещах что бы сразу видеть где человек а где без погони быдла. Обосную все люди кто не поддерживает БЧБ это в основном слизни и крысы в любых ситувциях онитсмотрят свою шкуру готовы тебя сдать начальству мотивируя это тем что так мне жа пападет и поверьте жаже если вы умирать будете эти тела куски мяса вам не вызовут помощь без САГЛАСАВАННЯ в общем это кратко еще все кто не с БЧБ быдла и сброд говна исключения 0.03% из общей массы
Паказаць усе каментары/ 41 /
Каб пакінуць каментар, калі ласка, актывуйце JavaScript у наладах свайго браўзеру