19.11.2019 / 15:40

«Яны адкажуць праз суд»: Марзалюк рыхтуе пазовы да сваіх крыўдзіцеляў сярод СМІ 47

Фота Сяргея Гудзіліна

Дэпутат Палаты прадстаўнікоў Ігар Марзалюк рыхтуе пазовы ў суд на СМІ і каментатараў у інтэрнэце. Ён збіраецца прызваць да адказнасці тыя выданні і людзей, што дапускалі падчас выбараў абразы ў адрас дэпутата і яго давераных асоб, піша Еўрарадыё.

«За кожную абразу, за кожную фальсіфікацыю і скажэнне зместу тэкстаў. Абразы людзей: маіх давераных асоб, мяне асабіста. Яны ўсе адкажуць, адкажуць праз суд. Яны ж лічаць, што інтэрнэт — гэта сцяна, на якой яны могуць пісаць. Я і тут планую быць першапраходцам. Калі ідзе абраза людзей, выкарыстанне блатной фені, гебельскія методыкі расчалавечвання. Хай яны расчалавечваюць сябе і на сваіх пляцоўках. — абураецца дэпутат. — І яны называюць сябе носьбітамі еўрапейскіх каштоўнасцяў? Талеранцыя — гэта калі табе могуць не падабацца погляды іншага чалавека, ты можаш з ім не пагаджацца, але не пераходзіш на асобы. Ты не здзекуешся з прозвішча. Не пішаш подласці пра сям’ю. Не плюеш у чалавека. І не ўжываеш блатны жаргон».

Адназначна сярод СМІ, на якіх Ігар Марзалюк пакрыўдзіўся, — гэта тэлеканал «Белсат», які вельмі шчыльна сачыў за перадвыбарчай кампаніяй дэпутата: «Калі маіх давераных асоб называлі лысымі мужыкамі. Калі ў вусны дырэктара школы ўкладалі словы, што «на маім участку пераможа Марзалюк», а яна гэтага не казала. Калі маё прозвішча каверкалі. Наконт таго, хто каго любіць ці ненавідзіць, будзем разбірацца ў судах», — заявіў дэпутат.

На пытанні аб тым, якім СМІ рыхтавацца да суда, Ігар Марзалюк, ужо сыходзячы ў залу пасяджэнняў, запэўніў, што ён потым усе пералічыць.

NN.by

7
LitvinM / Адказаць
19.11.2019 / 15:53
Глядзі не лопні ад натужнасьці - гісторык фігавы. Тут праўдзіва прымаўка - не чапай гаўна, яно і ваняць не будзе
9
мясцовы2 / Адказаць
19.11.2019 / 16:01
як баба
6
Туш / Адказаць
19.11.2019 / 16:03
А з якіх пор выраз "лысы мужык" з'яўляецца абразай ? Мне падаецца, лысыя мужыкі павінны адбразіцца на Марзалюка, за тое што ён лічыць зылсіны абразлівымі. 
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру