У Валожынскім раёне строгі фермер прымае на работу свінаводаў толькі са смартфонамі. Навошта?
Фермер з вёскі Сушы Эдуард Сергіенка расказаў «Нашай Ніве», чаму ў аб’явах пра тое, што ён шукае работнікаў, смартфон — асноўны пункт.
«Усё проста. Я жыву ў Мінску, але ж не магу пусціць працу на самацёк. Таму і патрабую ў сваіх работнікаў справаздачу ў выглядзе фота: да работы і пасля работы. Выканаў працу — дашлі здымак!» — расказвае Эдуард Сергіенка.
Больш за тое, Эдуард літаральна па хвілінах распісаў працоўны дзень для сваіх работнікаў.
«Здаралася такое, што мне тэлефанаваў работнік і скардзіўся: «Што вы з мяне Папялушку робіце? Я не паспавяю нічога!» Тады я прыязджаў, даваў чалавеку ў рукі секундамер і паказваў, што ўсё можна паспяваць, калі не адцягвацца на заняткі лухтой», — расказвае Эдуард.
Гаспадарка ў Эдуарда Сергіенкі вялікая — 300 авечак, 300 гусей, прыкладна столькі ж свінняў.
«Я шукаю работніка ўжо амаль год. Пакуль жа даем рады ўдваіх з жонкай. Чаму не затрымліваюцца? А ў мяне штраф за п’янку на працоўным месцы — 50 рублёў. Доўга ў вёсцы на такіх умовах цяжка пратрымацца», — кажа Эдуард.
Эдуард Сергіенка расказвае, што аплата ў яго на ферме па гадзінах. Адна гадзіна — 4 рублі.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію18
Каментары