20.11.2019 / 00:54

Колькі бюлетэняў вынеслі з участкаў у Мінску — захапляльная статыстыка 35

«Наша Ніва» працягвае аналізаваць вынікі парламенцкіх выбараў, апублікаваныя на сайце ЦВК. Сёння ў цэнтры нашай увагі вынесеныя з участкаў бюлетэні.

Падчас выбараў члены камісій старанна падлічваюць яўку (колькі бюлетэняў выдалі), а пасля галасы за кандыдатаў (колькі бюлетэняў дасталі з урны). Гэта два асноўныя паказчыкі, за якія ім трэба адсправаздачыцца.

Гэтыя дзве лічбы не заўсёды цалкам супадаюць. Часам нехта з выбарцаў спрабуе выносіць бюлетэнь: ці то ў знак пратэсту, ці то як сувенір. Такая сітуацыя разглядаецца як надзвычайная. За такімі выбарцамі бяжыць услед член камісіі разам з міліцыянтам. Маўляў, хочаш — сапсуй бюлетэнь, але пакінь яго на ўчастку.

Таму ў рэальнасці выпадкі вынесеных бюлетэняў адзінкавыя.

«Наша Ніва» прааналізавала, колькі бюлетэняў было вынесена з розных акругаў Мінска. Лічбы атрымаліся дзіўныя.

  • Шабаноўская №91 — 0
  • Аўтазаводская №92 — 1
  • Васняцоўская №93 — 0
  • Свіслацкая №94 — 65,
  • Купалаўская №95 — 77,
  • Чкалаўская №96 — 1,
  • Кастрычніцкая №97 — 0,
  • Грушаўская №98 — 1,
  • Паўднёва-Заходняя №99 — 4,
  • Ясенінская №100 — 0,
  • Каменнагорская №101 — 245,
  • Заходняя №102 — 334,
  • Пушкінская №103 — 380,
  • Кальварыйская №104 — 468,
  • Старавіленская №105 — 52,
  • Коласаўская №106 — 249,
  • Усходняя №107 — 279,
  • Каліноўская №108 — 227,
  • Уруцкая №109 — 76,
  • Партызанская №110 — 0.

Абсалютны рэкардсмен — Кальварыйская акруга №104. Менавіта тут балатавалася (і нават перамагла) Міс Беларусь Марыя Васілевіч. Акруговая камісія засведчыла, што некуды прапалі 468 бюлетэняў.

Як тэорыя імавернасці глядзіць на тое, што на акрузе №100 выбарцы не вынеслі ніводнага бюлетэня, а на акрузе №101 — ажно 245 паперак? Натуральна, гэта немагчыма. Працэнт людзей, які выносяць бюлетэні, у рэальнасці прыкладна аднолькавы ва ўсіх раёнах аднаго горада. 

Дык як магла адбыцца такая ненармальная сітуацыя? Давайце разбірацца.

Усе выбарчыя акругі ўключаюць у сябе прыблізна па 60—70 тысяч жыхароў. Але падзеленыя яны не адвольна, а па магчымасці ў адпаведнасці з адміністратыўна-тэрытарыяльным дзяленнем. Малазначнае адступленне ёсць толькі адно, і датычыць квартала паміж Савецкім і Першамайскім раёнамі.

Напрыклад, у Маскоўскі раён уваходзяць Грушаўская, Паўднёва-Заходняя і Ясенінская акругі. Адпаведна, адміністрацыя раёна галавой адказвае за, скажам так, выкананне паказчыкаў падчас выбараў. 

А стратэгію паводзінаў, як дабіцца пажаданых вынікаў, кожны вызначае сабе сам.

Атрымалася, што ў чатырох раёнах налічылі ўсяго 7 вынесеных бюлетэняў. 

  • Маскоўскі раён (3 акругі) — 5
  • Заводскі раён (3 акругі) — 1
  • Кастрычніцкі раён (2 акругі) — 1
  • Партызанскі раён (1 акруга) — 0

Затое ў іншых пяці раёнах паказчыкі зашкальвалі.

  • Фрунзенскі раён (4 акругі) — 1427
  • Савецкі раён (2 акругі) — 528
  • Першамайскі раён (2 акругі) — 303
  • Ленінскі раён (2 акругі) — 142
  • Цэнтральны раён (1 акруга) — 52.

Такое ўражанне, што ў розных раёнах кіраваліся рознымі інструкцыямі. Такія нерэальныя разыходжанні выклікаюць чарговыя сур'ёзныя сумневы ў падліку галасоў. У любой еўрапейскай краіне нават адзін гэты факт выклікаў бы скандал, крымінальныя справы, перападлік і адмену вынікаў выбараў судовымі інстанцыямі.

NN.by

1
Васіль / Адказаць
20.11.2019 / 01:03
Брава, Наша Ніва!
34
счётчик Гейгера / Адказаць
20.11.2019 / 01:07
Гэта два асноўныя паказчыкі, за якія ім трэба адсправаздачыцца.
https://nn.by/?c=ar&i=241387

самый главный показатель, сколько получили все участковые комиссии по протоколам передачи из окружных и сколько оказалось во всех 3-х урнах и неиспользованных....
Вот где основная , фундамент фальсификации... Если бы они были подписаны на основании ст.72 ИК хотя бы одним оппозиционером на каждом участке ( а такое право имеет только член участковой комиссии) никогда не было бы вбросов бюллетеней на досрочном голосовании...
Поэтому и надо ставить вопрос ( да некому, у "никчемных" оппов нет моз....в) так: или убирайте досрочное голосование или включайте хотя бы по одному оппозиционеру в состав участковых комиссий с правом подписания ВСЕХ бюллетеней на обратной стороне на основании ст. 72 ИК.
4
Дзяніс1 / Адказаць
20.11.2019 / 01:50
Як кандыдат па Пушкінскай акрузе падаю скаргу аб непрызнанні вынікаў выбараў. Уключаю ў яе і гэту інфармацыю. Дзякуй, рэдакцыя.
Паказаць усе каментары/ 35 /
Каб пакінуць каментар, калі ласка, актывуйце JavaScript у наладах свайго браўзеру