У Берліне невядомы ўдарыў нажом сына былога прэзідэнта Германіі Рыхарда фон Вайцзэкера Фрытца. Інцыдэнт адбыўся ў бальніцы Charlottenburg Palace Park Clinic, дзе апошні чытаў лекцыю, паведамляюць інфармагенцтвы. У выніку 59-гадовы мужчына памёр ад атрыманых раненняў.
Сур'ёзныя траўмы атрымаў таксама адзін з слухачоў лекцыі, які спрабаваў абараніць фон Вайцзэкера. З цяжкім раненнем яго шпіталізавалі.
Паліцыі ўдалося затрымаць падазраванага. Яго матывы пакуль невядомыя.
Спачуванні ў сувязі з гібеллю фон Вайцзэкера, які апошнія некалькі гадоў узначальваў клініку ў Шарлотэнбургу, выказаў старшыня Свабоднай дэмакратычнай партыі Нямеччыны Крысціян Лінднэр. «Выдатны доктар і выдатны чалавек. Страшна падумаць, у якім свеце мы жывём», — напісаў ён у сваім твітары.
Рыхард фон Вайцзэкер быў прэзідэнтам ФРГ у 1984—1994 гадах. Яго праграмным выступам стала прамова на 40-ю гадавіну заканчэння Другой Сусветнай вайны ў Еўропе. Тады ён заклікаў не забываць часы нацысцкай дыктатуры і памятаць пра загінуўшых.