21.11.2019 / 09:50

У Гомелі легкавік збіў дзвюх дзяўчынак

Аварыя адбылася 20 лістапада прыкладна ў 7.40, паведамляе БелТА.

41-гадовы кіроўца Citroen ехаў па вул. Пенязькова.

 «Пры павароце налева на дазваляльны сігнал святлафора не прадаставіў перавагі ў руху двум 6-гадовым пешаходам, якія пераходзілі дарогу па рэгуляваным пешаходным пераходзе таксама на зялёны сігнал», - распавялі ў УДАІ. Дзяўчынкі былі пазначаныя флікерамі. Мама адной з іх ішла крыху ззаду.

У выніку наезду дзяўчынкі шпіталізаваны ў абласную дзіцячую клінічную бальніцу.

NN.by

Каб пакінуць каментар, калі ласка, актывуйце JavaScript у наладах свайго браўзеру