21.11.2019 / 15:20

У Сербіі скандал вакол меркаванага расійскага шпіёна 3

Аляксандр Вучыч

Улады Сербіі пачалі расследаванне магчымай вярбоўкі супрацоўнікам расійскіх спецслужбаў высокапастаўленага чыноўніка. Прэзідэнт краіны Аляксандр Вучыч даручыў Агенцтву ваеннай бяспекі праверыць адпаведны відэазапіс, які быў апублікавана ў youtube некалькі дзён таму, на якім меркаваны расійскі разведчык перадае грошы сербскаму агенту.

Спецслужбы краіны ўжо пацвердзілі сапраўднасць запісу, перадае Радыё і тэлебачанне Сербіі. Па дадзеных журналіста Хрыста Грозева, які супрацоўнічае з расследавальнай групай Bellingcat, на відэа — намеснік ваеннага аташэ ў Бялградзе, супрацоўнік расійскай ваеннай разведкі Георгій Клебан перадае грошы свайму агенту ў Бялградзе. Гэты чалавек, як мяркуецца, з'яўляецца афіцэрам сербскай разведкі. Ягоны твар на відэа размыты.

Сёння прэзідэнт Сербіі, як чакаецца, абмяркуе сітуацыю з кіраўніцтвам разведкі, контрразведкі, а таксама Генштаба ўзброеных сілаў краіны. Пасля гэтага будуць апублікаваныя больш падрабязныя звесткі, заявіў міністр абароны Аляксандр Вулін. Ён назваў сітуацыю сур’ёзнай і адзначыў, што бачыць за гэтым спробу перашкодзіць таму, каб Сербія заставалася нейтральнай у ваенных адносінах краінай.

Паміж Масквой і Бялградам склаліся трывалыя палітычныя і эканамічныя сувязі. Крэмль таксама падтрымлівае Сербію ў адмове прызнаць незалежнасць Косава, а на ўзбраенні сербскай арміі знаходзіцца расійская тэхніка. У пасольстве Расіі ў Бялградзе інфармацыю пра магчымую вярбоўку высокапастаўленага сербскага чыноўніка пакуль не каментавалі.

NN.by

1
Брыдкая пачвара / Адказаць
21.11.2019 / 17:07
Брытанская разведка не спіць. Сочыць і злівае інфу на расейскіх канкурэнтаў
1
Черная Русь / Адказаць
21.11.2019 / 18:13
Bellingcat не соврет, тем более перед поставками российских вооружений
2
Матёрый / Адказаць
21.11.2019 / 19:34
Боевые солдаты. По этому раньше выходят на пенсию. У нас?! Сотрудники чаи гоняют и на пеннсию не в 63 года. Сколько работают на пенсии?! И после этого Вы будите говорить что пенсионный возраст не надо подымать?!!!
Каб пакінуць каментар, калі ласка, актывуйце JavaScript у наладах свайго браўзеру